Kay 2018 watamantapacha tukuypaj nisqa sapa revistaqa, uj imallamanta parlan. Chay revistasqa Bibliata estudiachinapaj publicacioneswan khuska kashan. Chayrayku predicaspa chay revistasta apaykachasunman. Chantapis rantikoj rispa chayri viajashaspa chay revistasta apakullasunmantaj. Revistasninchejqa mana Bibliamanta yachachinapajchu, jinapis runasta yanapanman astawan Diosmanta yachakuyta munanankupaj.

Uj runawan parlarispaqa, Bibliamanta uj versiculota leeripusunman chantá mayqen revistapichus chaymanta parlashasqanta willarisunman. Ichapis piwanchus parlarishanchej chay runaqa familiayoj kanman, llakisqa chayri phutisqa kashanman. Ajina kajtintaj kayta nisunman: “Kunallanraj chaymanta parlaj revistata leerisharqani, ¿rikurichiykimanchu?”, nispa. Chay runa yachakuyta munan chayqa, uj revistata saqesunman, chayri celularnejta apachisunman. Chaytaqa ruwasunman ñaupaj kutillaraj parlarejtinchejpis. Predicaspaqa mana publicacionestapunichu saqeyta munanchej, jinapis revistasninchejqa yanapawasunman allin sonqoyoj runasta tarinapaj (Hch 13:48).