Juchanmanta mana pesachikoj runaqa congregacionmanta qharqochikun mana wajkunata pantachinanpaj, chaytaj paypaj uj jasutʼiy jina (1Co 5:6, 11). Jehová Diospa kamachisqanta kasukuspaqa, munakuyninchejta rikuchinchej. Pillapis congregacionmanta qharqochikojtenqa llakikunchej, familiaresninpis mayta llakikunku, comité judicialpi yanapakoj ancianospis.

Jinapis Jehová Diosta, kamachiykunasninta ima munakusqanchejta, respetasqanchejtataj rikuchinchej (1Pe 1:14-16). Chantá qharqochikojta munakunchej. Pillapis qharqochikojtenqa mana kusikunchejchu, chaywanpis ‘cheqan kausayta poqoyta jina oqharinman’ (Heb 12:5, 6, 11). Congregacionmanta qharqochikojwan chayri manaña Jehovaj testigon kayta munajwan parlallajtinchejpuneqa, mana saqeshasunmanchu Jehová jasutʼinanta. Yachanchej jina Jehovaqa ‘juchallikusqankuman jinalla’ castigan (Jer 30:11). Jehovata kasukunallapuni, cristiano kausayninchejpi ruwanasninchejtapis ruwanallapuni, qharqochikoj Diospa llajtanman kutinpunankama (Isa 1:16-18; 55:7).

JEHOVATA TUKUY SONQO SIRVINALLAPUNI MANA WASANCHASPA NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynataj tatas sientekunku wawanku congregacionmanta qharqochikojtin?

• ¿Imaynatataj hermanos qharqochikojpa familiaresninta yanapayta atinkuman?

• ¿Bibliapi pikunaj kausayninkutaj rikuchin Jehová Diosta kasukuy aswan sumaj kasqanta, familianchejta kasukunamanta nisqaqa?

• ¿Imaynatá rikuchinchej Jehová Diosta astawan kasukuyta munasqanchejta familianchejmanta nisqaqa?