Bibliapi nerqaña Satanás mana predicajta saqenawanchejta (Jn 15:20; Ap 12:17). ¿Imaynatá yanapasunman qhatiykachasqa kasqankurayku ñakʼarej hermanosta? Paykunapaj Jehovamanta mañapusunman. Bibliaqa nin cheqan runaj tukuy sonqo mañakuynenqa sinchʼi atiyniyojmin kasqanta (Snt 5:16).

¿Imatá mañapusunman? Mañapusunman hermanosninchejta Jehová kallpachananta, mana manchachikunankupajtaj yanapananta (Isa 41:10-13). Chantapis autoridadespaj mañapunallataj predicajta saqenawanchejpaj, “allin kawsakuypi kawsananchejpaj, ama ima chʼajwapi” (1Ti 2:1, 2).

Pablowan Pedrowan qhatiykachasqa kashajtinku hermanosqa paykunapaj mañaporqanku sutisninkuta oqharispa (Hch 12:5; Ro 15:30, 31). Noqanchejpis qhatiykachasqa kashaj hermanosninchejpa sutisninkuta mana yachaspapis oqharisunman congregacionninkoj sutinta, ima suyupichus kasqankuta chayri ima lugarpichus kasqankuta.