¿Imaraykutaj tatasniykiman willarinayki tiyan imatachus piensasqaykita? (Pr 23:26). Imaraykuchus Jehová Diosqa tatasniykita churarqa qanta yanapasunankupaj, cuidasunankupaj ima (Sl 127:3, 4). Tatasniykiman imachus llakichisusqanta mana willanki chayqa, paykuna mana yanapariyta atisonqankuchu. Nitaj experienciankumantapis yachakuyta atinkichu. ¿Tatasniykiman tukuy imitatapunichu willanayki tiyan? Mana. Jinapis sajra imasta ruwashanki chayqa, allin kanman chayta tatasniykiman willarinayki (Pr 3:32).

¿Imaynatá tatasniykiwan parlariwaj? Tatasniykiwan parlarinaykipajqa tiempocharikuy, manachayrí uj cartanejta imaynachus kashasqaykita willariy. Tatasniyki imallamantapis parlariyta munasojtinkoqa paykunata uyariy, imajtinchus paykunaqa yanapayta munasunku. Tatasniykeqa amigosniyki kanku, nitaj enemigosniykichu. Tatasniykiwan parlarinaykipaj kallpachakojtiykeqa kausayniykipi mayta yanapasonqa (Pr 4:10-12).

JOVENCITULLARAJ KASHASPA: ¿IMAYNATÁ TATASNIYWAN PARLARIYMAN? NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imatá ninku Estherwan Partikwan?

• ¿Imatá Jesusmanta yachakuwaj?

• ¿Imaynatá tatasniyki munakususqankuta rikuchisunku?

• ¿Bibliamanta ima versiculostaj tatasniykiwan parlarinaykipaj yanapasunkiman?