Jehovaj testigosnenqa sapa wata mayta suyakunchej Jesuspa Wañuyninta Yuyarinapaj tantakuyta. Chay jina sumaj fechaspeqa allinta tiempota aprovechanchej. Chay tantakuypaj semanas faltashajtin chantá pasaytapis tukuy atisqanchejta kallpachakunchej Jehovata jatunchanapaj, Jesús noqanchejrayku kausayninta qosqanmanta agradecekunapaj ima (Ef 1:3, 7). Chay killaspeqa mayta kallpachakunchej runasta invitarinapaj. Wakin hermanosqa ñaupajmantaña tiempitota orqhokunku marzo, abril killaspi precursores auxiliares kanankupaj. Chay killaspeqa 30 chayrí 50 horasta predicayta atikun. Qanrí, ¿munawajchu chay killas astawan predicayta? ¿Imatá chaypaj ruwawaj?

Tiempitowan wakichikojtinchejqa imapis allinpuni llojsin (Pr 21:5). Jesuspa Wañuyninta Yuyarinapaj tantakoyqa qayllitapiña kashan. Chayrayku kunanmantapacha wakichikushana. Piensarina imaynasmantawanchus astawan predicayta atisqanchejta, chantá imaynasmantachus chayta juntʼananchejtapis. Chaymantataj Jehovamanta yanapata mañakuna (1Jn 5:14, 15).

Jesuspa Wañuyninta Yuyarinapaj killaspi, imaynasmantawanchus astawan predicayta atisqaykipi piensariy.