Kay 32 watapi Pascua ñaupajsituta, Jesusqa uj milagrota ruwarqa. Chay milagrollataj tawantin Evangeliospi rikhurin.
Jesusqa chay kutipi pisi runasnejta ashkhasman mikhucherqa, ajinallatataj kay tiempopipis ruwakunan karqa.
-
Jesusqa yachachisqasninman nerqa, may chhika runasman mikhunata jaywanankuta. Jinapis yachachisqasninpata phishqa tʼantaswan, iskay pescadosllawan kaporqa.
-
Jesusqa chay phishqa tʼantasta, iskay pescadostawan oqharispa Diosman graciasta qorqa. Chaymantataj yachachisqasninman jaywarqa, paykunataj runasman jaywarqanku.
-
Chay runasqa sajsakunankukama mikhorqanku. Ajinamanta Jesusqa pisi runasnejta, nisunman yachachisqasninnejta ashkha runasman mikhucherqa.
-
Jesusqa nerqa, tukukuy pʼunchaykunapi uj kamachita churananta. Chay kamachitaj Diosmanta yachachiykunata “tiemponpi mikhunata” jina qonawanchej karqa (Mt 24:45).
-
Kay 1919 watapi, Jesusqa ‘allin kamachi yuyayniyojta’ churarqa, “kamachisninman tiemponpi mikhunata qonanpaj”. Paykunaqa ajllasqa cristianos ukhumanta uj juchʼuy qotu kanku.
-
Jesusqa ñaupa tiempopi jinallataj, pisi runasnejta nisunman uj qotu ajllasqa cristianosnejta ashkha runasman yachachiykunata mikhunata jina qoshan.
¿Imaynatá ‘allin kamachi yuyayniyojta’ jatunpaj qhawayman?