ASWAN SUMAJ YACHACHEJKUNA KANA
Aswan sumaj yachachejkuna kana: Sumaj tapuykunata ruwaspa
¿IMARAYKUTAJ RUWANANCHEJPUNI TIYAN? “Runaj sonqompi pakasqa yuyaykunaqa ukhu qocha jina”. Chayta orqhonapajtaj sumaj tapuykunata ruwana tiyan (Pr 20:5). Chayta ruwajtinchejqa, yachakojqa parlariyta atillanqa, imatachus piensasqantataj yachasun. Jesusqa sumaj tapuykunata ruwaj. ¿Imaynatá pay jina ruwasunman?
¿IMAYNATÁ RUWASUNMAN?
-
Runaj piensasqanta yachanapaj jina tapurina. Jesusqa yachachisqasnin piensasqankuta willarinankupaj jina tapurej (Mt 16:13-16; be-S pág. 238 párrs. 3-5). ¿Imaynatá Jesús jina tapurisunman?
-
Runa sumajta kutichinanpaj jina tapurina. Jesusqa Pedroj yuyasqanta cheqanchananpaj sumaj tapuykunata ruwarqa. Chantá imatachus Pedro kutichinanta munarqa, chayman jina tapurerqa (Mt 17:24-26). ¿Imatataj runasta tapurisunman sumajta kutichinawanchejpaj?
-
Allinta kutichisqanta nina. Jesusqa leymanta yachachej “allinta kutichisqanta” reparaspa, allinta ruwasqanta nerqa (Mr 12:34). Pipis tapusqaykiman allinta kutichisojtin, ¿imatá payman niwaj?
JESUSPA RUWASQANTA RUWANALLAPUNI: YACHACHIMUNA NISQA VIDEOJ ÑAUPAJ PARTENTA QHAWARIY. CHANTÁ KAY TAPUYKUNAMAN KUTICHIY:
-
Hermanoqa maychus kasqallanta nisharqa. Jinapis, ¿allintachu yachachisharqa?
-
¿Imaraykutaj mana kay hermano jinachu yachachinanchej tiyan?
VIDEOJ QHEPAN PARTENTA QHAWAYTAWAN, KAY TAPUYKUNAMAN KUTICHIY:
-
Kay kutipi yachachishaspa, ¿imastá hermano ruwarqa?
-
¿Imaynatá noqanchej chay hermano jina yachachisunman?