CRISTIANO KAUSAYNINCHEJ
Aswan sumaj yachachejkuna kana: Bibliamanta yachakoj mana ñauparejtenqa saqepuna
¿IMARAYKUTAJ RUWANANCHEJPUNI TIYAN? Runasqa salvakunankupaj Jehovaj sutinta oqharinanku tiyan (Ro 10:13, 14). Bibliata estudiajkunamanta mana tukuychu Jehovaj kamachiykunasninta kasukuyta munanku. Chayrayku uj runata unaysitutaña estudiachishanchej chay, manapunitaj Bibliaj nisqanta kasukushanchu chayqa, saqepunanchej tiyan. Yanaparinataj pikunatachus Jehová payman, llajtanman ima pusamushan, chay runasta. Ajinamanta tiemponchejta mana usuchisunchu (Jn 6:44). Jinapis ichá aswan qhepaman, chay runaqa ‘wiñay kausayta japʼinanpaj jina allin sonqoyoj’ kasqanta rikuchenqa. Jina kajtin, watejmanta estudiachisunman (Hch 13:48).
¿IMAYNATÁ RUWASUNMAN?
-
Nisunman: “Bibliamanta yachakuyta munaspa, allinta ruwashanki”, nispa (1Ti 2:4).
-
Chantá nisunman, Bibliapi yachakusqanta kasukunanpuni kasqanta (Lu 6:46-49).
-
Tarpoj runamanta kikinchayta willarina, entiendechinataj. Chantá ñauparinanpaj imachus jarkʼashasqanpi piensarinanta nisunman (Mt 13:18-23).
-
Mana sonqonta nanachispalla, imaraykuchus manaña estudiachinanchejta nina.
-
Manaña estudiachejtinchejpis, sapa atikojtin visitarinanchejta nina. Chantá ninallataj, Bibliaj nisqanta kasukojtin watejmanta estudiayta atisqanta.
VIDEOTA QHAWAYTAWAN, KAY TAPUYKUNAMAN KUTICHIY:
-
Videopi rikusqanchejman jina, ¿yachakoj ñauparisharqachu?
-
¿Imaynatá hermano estudionta entiendecherqa Bibliaj nisqanta kasukunan kasqanta?
-
¿Imatataj hermano estudionman nerqa aswan qhepaman watejmanta estudianankupaj?