Kʼacha tʼikitata, cielopi chʼaskasta chayri yaku phajchata rikuspa, ¿Diosninchejpi piensarinchejchu? Jehová Dios imaynachus kasqanqa, paypa ruwasqasninpi sutʼi rikukun (Ro 1:20). Cielopi, jallpʼapi kaj imasta qhawaspaqa, reparasunman Diosninchej munakuyniyoj, may atiyniyoj, yachayniyojtaj kasqanta. Chantá reparallasunmantaj cheqan kajta ruwasqanta, may kʼacha kasqantapis (Sl 104:24).

Jehovaj ruwasqasnintaqa sapa día rikunchej. Llajta ukhupi tiyakuspapis, pʼisqetusta, sachʼasta rikunchejpuni. Jehovaj ruwasqasninpi tʼukurispaqa, llakiyninchejta, problemasninchejtapis qonqarisunman. Chantapis astawan atienekusun, Jehová ni jaykʼaj imatapis faltachinawanchejpi (Mt 6:25-32). Wawasniyoj kanchej chayqa, imaynachus Jehová kasqanta reparanankupaj yanapana. Jehovaj tukuy ima ruwasqanpi tʼukurispaqa, payman astawan kʼaskakusun (Sl 8:3, 4).

DIOSPA RUWASQASNENQA JATUN KAYNINTA RIKUCHIN: KʼANCHAY, COLORES IMA NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynatá colores rikhurej kasqa?

• ¿Imaraykutaj wakin colores sinchʼita lliphipirinku?

• ¿Imaraykutaj cielo qʼelluyarintaj, pukayarintaj?

• Wasiyki chaypi, ¿ima kʼachitu colorestataj rikuyta yachanki?

• ¿Tiempochakunachu kanman Jehovaj ruwasqasninpi tʼukurinapaj?