Jehovaqa munan familias kusisqa kausakunankuta (Sl 127:3-5; Ec 9:9; 11:9). Jinapis wakin kutisqa llakisqa kasqanchejrayku, chayri imapipis pantasqanchejrayku mana familianchejpi kusisqa kayta atillasunmanchu. ¿Imatá familiapi sapa ujninchej ruwasunman aswan kusisqas kanapaj?

Uj sumaj qosaqa warminta sumajpaj qhawan (1Pe 3:7). Paywan karikunanpaj tiempochakun, nitaj mana ruway atinastaqa ruwachinchu, payrayku, familianrayku imastachus ruwasqanmantataj agradecekun (Col 3:15). Imata ruwasqanmantapis alabarin, mayta munakusqantataj nin (Pr 31:28, 31).

Uj sumaj warmeqa kallpachakunpuni qosanta yanapananpaj (Pr 31:12). Qosanta kasukun, manataj payman churanakunchu (Col 3:18). Chantapis munakuywan payta parlapayan, wajkunamanpis sumajta paymanta parlan (Pr 31:26).

Sumaj tatasqa wawasninkupaj tiempochakunkupuni (Dt 6:6, 7). Chantapis wawasninkuta ninku mayta munakusqankuta (Mt 3:17). Yachanku paykunata maykʼajchus, imaynatatajchus cheqanchayta, munakuywanpunitaj chayta ruwanku (Ef 6:4).

Sumaj kʼacha wawasqa tatasninkuta respetanku, kasukunkutaj (Pr 23:22). Tatasninkuman willarinku imatachus yuyasqankuta, imaynachus kashasqankutapis. Tatasninku kʼamejtinku chayta japʼikunku, paykunatataj jatunpaj qhawanku (Pr 19:20).

¿IMATÁ RUWASUNMAN FAMILIAPI KUSISQA KAUSAKUNAPAJ? NISQA VIDEOTA QHAWAYTAWAN, KAY TAPUYMAN KUTICHIY:

¿Imatá sapa uj ruwarqanku familiankupi aswan kusisqa kausakunankupaj?