Tukuypis Jehovata astawan sirvinapaj, payta kusichinapaj wakin imasta ruwayta munanchej. Chaytaj wiñay tukusqa cristianos kanapaj yanapawanchej. Chayrayku mana qhasipajchu tiempochakunchej, kallpachakunchej ima (1Ti 4:15). ¿Imaraykutaj sapa kuti qhawaykurinanchej tiyan imastachus ruwayta munasqanchejta? Imajtinchus kausayninchejqa mana kikillanpunichu. Ichapis imatachus ruwayta munarqanchej chayta niña juntʼayta atisunmanchu, chayri ichapis juntʼanchejña. Chayrayku wajpiñataj piensarisunman.

Niraj mosoj wata qallarishajtin allin kanman imastachus ruwayta munasqanchejpi piensarinanchej. Familiapi Diosta Yupaychanapaj tantakuypi chaymanta parlariwajchej. Ichá qhawaykuriwajchej sapa ujniykichej imastachus ruwayta munasqaykichejta, familia jinataj imastachus ruwanaykichejta.

¿Imastá ruwayta munashanki kay imaspi? Chayta ruwanaykipaj, ¿imastá ruwawaj?