Llankʼay patapiña kashaj runa qhepata qhawarinman chayqa, surkʼusta wistʼu wistʼullata ruwaykunman. Noqanchejpis Jesusta qhatinapaj imastachus saqesqanchejpi yuyasunman chayqa, mana allinchu riwasun (Flp 3:13).
Llakiypi kashajtinchej, ichapis yuyarikusunman Jehovata niraj rejsishaspa imaynachus kausayninchej kasqanta. Chayta ruwayqa mana allinchu kanman. Imajtinchus allin imasllata yuyarikusunman, chʼampaykunatataj qonqapusunman. Israelitasqa chayta ruwarqanku. Paykunaqa Egiptomanta llojsipuytawan, saqesqanku imasllapi yuyarqanku (Nú 11:5, 6). Noqanchejpis ñaupa kausaynillanchejpi yuyasun chayqa, chay kausayninchejman kutiriyta munasun. Chayrayku aswan sumaj, ima bendicionestachus japʼisqanchejpi yuyananchej, jinallataj Diospa Gobiernon ima bendicionestachus apamunanpiwan (2Co 4:16-18).
