BIBLIAMANTA SUMAJ YACHACHIYKUNA | SALMOS 34-37
Jehovapi atienekuy, allin kajtataj ruway
“Ama[...] envidiakuychu sajrata ruwajkunamanta”
-
Ama saqeychu sajra runas kusisqa kausasqanku, Jehovata yupaychayta jarkʼasunanta. Diospaj astawan ruwayta munasqaykipi, bendicionesninpitaj astawan yuyay.
“Tata Diospi atienekuy, allin kajtataj ruway”
-
Iskayrayasqa chayri llakisqa kashaspaqa, Jehová yanapasunanpi atienekuy. Pay cheqa sonqollapuni kanaykipaj yanapasonqa.
-
Diospa Reinonmanta sumaj willaykunata willallaypuni.
“Tata Diosta munakuspa mayta kusikuy”
-
Diospa Palabranta leenaykipaj, chaypi tʼukurinaykipajtaj tiempochakuy. Ajinamanta astawan Jehovata rejsinki.
“Tata Diospa makisninman kawsayniykita churay”
-
Ima chʼampayta atipanaykipajpis Jehová yanapasunanpi atienekuy.
-
Qhasimanta tumpasojtinku, churanakusojtinku chayri qhatiykachasojtinku allin kausayniyoj kasqaykita rikuchiy.
“Chʼinlla kakuy Tata Diospa ñawpaqempi. Suyakuy pacienciawan pay yanapanasunta”
-
Ama usqhayllata phiñakuychu. Phiñakuspaqa astawan llakikuwaj, Jehovamantataj karunchakuwaj.
“Llampʼu sonqoyojkunatajrí kay pachata herenciata jina japʼenqanku”
-
Llampʼu sonqo, kʼumuykukuyniyojtaj kay, Jehová sajra ruwaykunata chinkachinanpi atienekuy.
-
Hermanosta yanapariy, llakisqastataj sonqochay Diospa mosoj pachan qayllapiña kasqanmanta parlarispa.
Diospa Reinon kamachishajtin sumaj kausay kanqa.
