Runasqa astawan entiendenku videosta qhawaspa. Videosta qhawashaspaqa chʼinsitumanta qhawanku, ajinamanta yachakusqankuta mana qonqankuchu. Jehovapis kamachisninman wakin imasta mosqoypi jina rikuchispa yachachillajtaj (Hch 10:9-16; Ap 1:1).

¿Dios sutiyojchu?, ¿Pitaj Biblia qhelqakunanpaj yuyaycharqa?, ¿Imaraykú nisunman Biblia Diospa Palabran kasqanta? videosqa, Sumaj willaykuna folletoj 2 kaj chantá 3 kaj yachaqanasninta astawan entiendenapaj sumaj yanapas. ¿Imaraykutaj Bibliamanta yachakuna?, ¿Imaynataj tantakuykunasniyku?, ¿Imaynatá Bibliamanta yachachiyku? videostaj runasta yanapan noqanchejwan Bibliamanta yachakunankupaj, tantakuykunasninchejman jamunankupaj ima. Wakin videostaqa Bibliamanta yachachishaspa rikuchisunman (km 5/13 pág. 3).

• Ñaupajmantaña uraqachiy rikuchiyta munasqayki videota.

• Wakichikusqaykiman jina wasiyojta tapuriy, chay tapuyman kutichej videotataj rikuchiy.

• Videota khuska qhawariychej.

• Qhawasqaykichejmanta parlariychej.

• Mayqen tratadollapipis wasanpi rikhurej codigota rikuchiy ¿Imaraykutaj Bibliamanta yachakuna? videota qhawananpaj.

• ¿Imaraykú nisunman Biblia Diospa Palabran kasqanta? videota rikuchiy chantá Sumaj willaykuna folletota saqey. Kinsa kaj yachaqananmantataj parlariy.