Imata ruwanapajpis ñaupajtaqa tʼukurina imaynatachus Jehová Dios chayta qhawasqanpi. Jehová Diospa yuyasqanta wakillanta entiendejtinchejpis, payqa Palabranpi yuyaychawanchej imatachus ruwananchejta. Ajinamanta sumaj wakichisqa kanapaj ‘tukuy imata allintapuni ruwanapajtaj’ (2Ti 3:16, 17; Ro 11:33, 34). Jesuspis sutʼita repararqa imachus Jehová Diospa munaynin kasqanta, chaytataj kausayninpi ñaupajman churarqa (Jn 4:34). Chayrayku Jehová Diosta kusichinapajqa, Jesús jina tukuy imata ruwanapaj kallpachakuna (Jn 8:28, 29; Ef 5:15-17).

IMACHUS JEHOVAJ MUNAYNIN KASQANTA REPARANALLAPUNI (LE 19:18), NISQA VIDEOTA QHAWAYTAWAN KAY TAPUYKUNAMAN KUTICHIY:

• ¿Imaraykutaj Bibliaj yuyaychasqanman jina kausakuna kasqa?

• ¿Bibliamanta ima yuyaychaykunataj yanapawasunman takiykunata uyariyta munashajtinchej?

• ¿Bibliamanta ima yuyaychaykunataj yanapawasunman allinta vistikunapaj, kʼachanchakunapajtaj?

• ¿Imasta ruwanapajtaj Bibliaj yuyaychaykunasninwan yanapachikullasunmantaj?

• ¿Imataj yanapawasunman Jehová Diospa munayninta aswan allinta reparanapaj?