Diosta uyariy folletoqa dibujoswan yanapachikuspa, Bibliamanta cheqa yachachiykunata pisillata leeyta yachajkunawan estudianapaj wakichisqa kashan. Sapa yachaqanaqa iskay paginaspi chantá sumaj dibujosniyoj, ujta sutʼinchaspa qhepan dibujotañataj sutʼinchanapaj jina ruwasqa kashan.

Diosta uyariy wiñay wiñaypajtaj kausanki folletopis Diosta uyariy folleto jina dibujosnillayojtaj, jinapis ashkha letrasniyoj. Kay folletotaqa aswan allintaña leeyta atejkunawan estudiasunman. Chantapis wakin hermanosqa, chay folletota apaykachanku Bibliamanta yachakojta Diosta uyariy folletowan yachachispapis. Wakin paginaspeqa, recuadritos tiyan Bibliamanta yachakojwan atikusqanman jina astawan ukhuncharinapaj.

Kay folletoswan predicasunman, mana chay killapi kay folletoswan predicakojtinpis. Bibliamanta yachachishaspa dibujosninwan Bibliaj nisqanta sutʼinchasunman. Bibliamanta yachakojta tapurisunman, entiendesqantachus manachus yachanapaj. Paginaj ura kantunpi rikhurej textosta leerispa sutʼinchasunman. Chay folletota estudiayta tukuytawanqa ¿Imatapunitaq Biblia yachachin? chayri ¿Imatá Biblia yachachin? nisqa librota estudiasunman, Bibliamanta yachakoj bautizakunankama ñauparinallanpajpuni.