¿IMARAYKUTAJ RUWANANCHEJPUNI TIYAN? Cieguitosqa mana rejsisqaswan mana parlariyta munallankuchu. Chayrayku, paykunaman Diosmanta willanapaj sumajta yuyaychakuna. Jehová Diosqa cieguitosta mayta munakun, khuyakuntaj (Le 19:14). Chayrayku noqanchejpis Dios jina munakusunman, Diosmanta yachachinapajtaj kallpachakusunman.

¿IMAYNATÁ RUWASUNMAN?

• Cieguitosta ‘maskʼana’. (Mt 10:11) Ichá yachanchej uj rejsisqanchejpa familiarnin cieguito kasqanta chayri willanchej chaypi cieguitosta yanapaj uj escuela kasqanta, cieguitosta cuidanapaj wasi kasqanta, chayri waj instituciones kasqanta. Chay lugarespitaj cieguitospaj kaj publicacionesta saqesunman.

• Paykunaj allinninkuta maskʼana. Kʼachas paykunawan kajtinchej, allinninkutataj maskʼajtinchej ichá mana manchachikuwasunchu. Cieguitoswanqa parlarisunman imamantachus paykuna parlayta munanku, chaymanta.

• Diosmanta yachakunankupaj yanaparina. Cieguitosta Diosmanta yachachinapaj, Diospa llajtanqa publicacionesta orqhon. Tapurisunman imaynatachus paykuna yachakuyta munasqankuta. Publicacionesmanta encargado hermanoqa, uj cieguito imayna formatopichus publicacionta mañakusqanta anotanqa. Chay anotasqantataj superintendente de servicio nisqa hermano qhawaykunan tiyan.