Imaschus israelitasta Moab jallpʼas chaypi pasasqanmanta mayta yachakusunman (1Co 10:6, 8, 11). Israelitasqa moabitaswan masichakuyta qallarerqanku. Moabita warmisqa khuchichakoj kanku, llulla diosestataj yupaychaj kanku. Chay warmisqa israelitasta millay juchaspi urmacherqanku. Juchallikusqankuraykutaj ashkha israelitas wañorqanku (Nú 25:9). Kay tiempopeqa Jehová Diosta mana sirvej runaspa chaupinkupi tiyakunchej. Paykunaqa kankuman familiaresninchej, vecinosninchej, trabajomanta chayri escuelamanta compañerosninchej. ¿Imatá yachakunchej israelitas mana Diosta yupaychajkunawan masichakusqankumanta?

PANTASQANKUMANTA YACHAKUNACHEJ NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imatá Zimrí, wajkuna ima Jaminman nerqanku moabitaswan masichakuymanta?

• ¿Imaynatá Finehás, Jaminta reparacherqa moabitaswan masichakuy mana allinchu kasqanta?

• ¿Jehová Diosta mana yupaychajkunawan kʼacha kay, amigostaj kaywan kikinchu?

• ¿Imaraykutaj congregación ukhupi piwanchus amigos kanapaj allinta qhawarikunanchej tiyan?

• ¿Allillanchu kanman chateanapaj uj grupopi mana rejsisqanchej runaswan kananchej?