Pruebaspi rikukuspa llakikusunman, astawanraj mana chay rato chinkajtin. Davidqa yacharqa Saulwan imapichus rikukusqanqa mana wiñaypajchu kasqanta. Davidqa Jehová Dios nerqa jina, rey kanan karqa (1Sa 16:13). Payqa Jehová Diospi creerqa, pacienciawantaj suyarqa tukuy imata allinchananta.

Chʼampaykunapi rikukuspaqa, chay chʼampayta allinchanapaj sumajta yuyaychakuna (1Sa 21:12-14; Pr 1:4). Wakin kuti chʼampaykunata Bibliaj yuyaychaykunasninman jina allinchajtinchejpis, chʼampaykunaqa kallanqapuni. Ajinapi rikukojtinchejqa pacienciawan Jehová Diospi suyakuna. Tumpamantawan Jehovaqa tukuy llakiykunasninchejta chinkachenqa, ñawisninchejmantapis tukuy waqayta pichanqa (Ap 21:4). Chʼampaykunasninchejqa Jehová Dios yanapawasqanchejrayku chayri waj imasrayku ichapis chinkaponqa. Jinapis manapuni wiñaypajchu kanqanku. Chayta yachaytaj mayta sonqochawanchej.

CHEJNINAKUY KAJTINPIS DIOSPA LLAJTANQA UJCHASQA NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaspitaj Estados Unidosmanta sur ladopi hermanosninchej rikukorqanku?

• ¿Imaynatá hermanos pacienciakusqankuta munanakusqankuta ima rikuchinakorqanku?

• Chejninakuy kajtinpis, ¿imatá hermanosninchej ruwallarqankupuni? (Flp 1:10).