Sapa kuti astawan desastres naturales tiyan. Uj desastre natural kajtin, llakiypi kajkunata yanapajkunaqa sumaj organizasqas kananku tiyan, imaynatachus yanapakunankupajtaj sumajta parlarikunanku tiyan. Chayrayku Diospa Llajtanta Kamachejkunaqa, mundontinmanta tukuy sucursalespi Departamento de Labores de Socorro kananta nin.

Chay departamentopi yanapakoj hermanosqa, maypipis uj desastre natural kasqanta yachaytawan, chay ratopacha chay lugarmanta ancianosta wajyanku. Ajinamanta imatachus chay lugarmanta hermanos necesitasqankuta yachanankupaj. Uj desastre ancha sinchʼi kasqanrayku chay lugarmanta hermanos wajkunaj yanapayninta necesitajtinkupuneqa, sucursalqa sumaj wakichisqa hermanosta churanqa chay llakiypi rikukojkunata yanapaymanta encargakunankupaj. Chay hermanostaj ichapis mañanqanku waj hermanostawan kachanankuta, chayri hermanos wakin imaswan yanapakunankuta. Manachayrí necesitakusqan imasta rantispa necesitajkunaman jaywamonqanku.

¿Imajtintaj may allin ajinata organizakusqan? Ashkha imasrayku. Ajinata organizakusqanrayku mana qhasillatachu ashkhas yanapakunku, mana pantachikunkuchu, nitaj ni qolqeta, ni cosastapis usuchikunchu. Hermanos sapallankumanta yanapakojtinkutaj chaykuna pasanman.

Sucursal llakiypi kajkunata yanapakunankupaj churan chay hermanosqa, niyta atinku necesitajkunata yanapanapaj mashkha qolqechus, mashkha hermanoschus necesitakunanta. Chantapis chay lugarmanta autoridadeswan parlarinkuman. Autoridadesqa yanapakuyta yachanku. Hermanóy, mana mañasqallaqa amapuni sapallaykimanta yanapayta yuyaspa qolqeta tantaychu, ama imatapis apachiychu, nitaj chay desastre karqa chayman viajaychu.

Hermanosninchejta maytapuni munakunchej. Chayrayku sinchʼi llakiy kajtin yanapariytapuni munanchej (Heb 13:16). ¿Imatá chaypaj ruwasunman? Astawanqa Jehovamanta mañapusunman llakiypi tarikoj hermanospaj, paykunata yanapajkunapajpis. Chantapis jallpʼantinpi willakunanpaj qolqesitunchejwan yanapakusunman. Sucursalmanta hermanosqa sumajta yachanku maypichus, imaynatatajchus chay qolqeta apaykachayta. Imajtinchus paykunaqa Diospa Llajtanta Kamachejkunaj yuyaychasqankuman jina imatapis ruwanku. Llakiypi tarikoj hermanosta noqanchejpuni yanaparimuyta munanchej chaytaj, kay solicitudta juntʼachisunman: Solicitud de voluntario local de diseño y construcción (DC-50).

BRASILPI SINCHʼI PARAS NISQA VIDEOTA QHAWAYTAWAN, KAY TAPUYMAN KUTICHIY:

Brasilpi sinchʼi paras kasqantawan Jehovaj testigosnin llakiypi tarikoj hermanosta yanapasqankumanta, ¿imataj astawan tʼukuchisunki?