Munakoyqa familiata ujchan. Familiapi mana munakuy kajtenqa, mana ujchasqachu kanqanku, nitaj yanapanakonqankuchu. ¿Imaynatataj qosas, casada warmis, tatas ima familia ukhupi munakuyta rikuchinkuman?

Kʼacha qosaqa warminpa necesitasqanpi piensan, mana sonqonta nanachinchu, allinnintapunitaj maskʼan (Ef 5:28, 29). Chantapis familianman mikhunata qon, Diosman astawan qayllaykunankupajpis yanapan, Diosta yupaychana chʼisitapis ruwan (1Ti 5:8). Uj kʼacha warmeqa qosanman kʼumuykukun, sonqomantapachataj jatunpaj qhawan (Ef 5:22, 33; 1Pe 3:1-6). Qhariwarmisqa purajmanta perdonanakunanku tiyan (Ef 4:32). Kʼacha tatasqa sapa wawankumanta interesakunku, Jehovata munakuytataj yachachinku (Dt 6:6, 7; Ef 6:4). ¿Imaspitaj wawas escuelapi rikukunku? ¿Imatá ruwanku compañerosninku sajra imasta ruwanankupaj tanqajtinku? Familiapi munakuy kajtenqa, tukuy jarkʼasqas kanku, nitaj manchachikunkuchu.

FAMILIA UKHUPI MUNAKUNALLAPUNI NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynatataj uj kʼacha qosa warminpa allinninta maskʼasqanta rikuchin?

• ¿Imaynatataj uj kʼacha warmi qosanta sonqomantapacha jatunpaj qhawasqanta rikuchin?

• ¿Ima kutispitaj tatas wawasninkuman Diosmanta yachachinkuman?