Bibliamanta kusiywan yachachejtinchejqa, wajkunapis kusikonqanku, sumajtataj uyariwasunchej. Chantapis kusiywan willaspaqa, willasqanchejta jatunpaj qhawasqanchejta rikuchinchej. Maymanta kajtinchejpis tukuy kallpachakusunman kusiywan willanapaj (Ro 12:11). ¿Imaynatá chayta ruwasunman?

Ñaupajtaqa willayninchejpi piensarina. Noqanchejqa “sumaj willaykunata” willayta atinchej (Ro 10:15). Chantapis piensarina sumaj willaykunaqa ashkha runasta yanapananpi. Runasqa chayta uyarinankupuni tiyan (Ro 10:13, 14). Chantá tukuy sonqo parlarina, asirina, makiwan makiwantaj parlarina.

RUNASMAN JEHOVÁ DIOSMANTA YACHACHIMUSPA KUSIKUNA. SUMAJ YACHACHEJKUNA KANAPAJQA: KUSIYWAN YACHACHINA NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imajtintaj Rita manaña kusiywanchu Coralman yachacherqa?

• ¿Imataj Ritata yanaparqa kusiywan watejmanta yachachinanpaj?

• ¿Imatataj estudiosninchejpi reparananchej tiyan, imaraykutaj?

• ¿Yanapanmanchu estudiosninchejta, wajkunata ima kusiywan yachachisqanchej?