Kay mundoj tukukuynin chayamunankama astawan yapakonqa chʼajwas, wañuchinakus, guerras ima (Ap 6:4). ¿Imaynatá wakichikusunman?

• Diosman astawan qayllaykuna. Bibliaj yuyaychaykunasninpi, chantá imatachus Diospa kamachisninmanta yachakusqanchejpi ima tʼukurina. Chaytaj yanapawasun Jehovapi, llajtanpi ima astawan atienekunapaj, politicamantaj mana chhapukunapaj (Pr 12:5; jr págs. 125, 126 párrs. 23, 24). Kunan tiempo kashan congregacionpi sumaj amigosta ruwakunapaj (1Pe 4:7, 8).

• Wakichikuna. Wasillapi quedakunanchej kajtenqa necesitasqanchej mikhunata waqaychakusunman. Llojsinanchej kajtintaj imatachus ruwananchejta ñaupajmantaña wakichikusunman. Mochilanchejpi imachus kashasqanta qhawaykurina, churaykunataj guantesta, barbijota, qolqetapis. Ancianospa numerosninkuta mañakuna, noqanchejpis numerosninchejta qona (Isa 32:2; g17.5-S págs. 3-7).

Chʼajwas kajtin Diosman qayllaykunapaj kallpachakunallapuni (Flp 1:10). Uj lugarllapi quedakuna, maymanpis rinapuni kajtillan rina (Mt 10:16). Kapuwasqanchejmanta wajkunaman qorina (Ro 12:13).

¿IMAPIS KANANPAJ WAKICHISQAÑACHU KASHANKI? NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynatá Jehová yanapawasunman jatun llakiy kajtin?

• ¿Imaynatá wakichikusunman?

• ¿Imaynatá wajkunata yanapasunman?