Jesusqa predicashaspa imaschus chay kutispi pasasharqa chay imasmanta parlarerqa (Lu 13:1-5). Noqanchejpis predicashaspa imaschus pasashasqanmanta parlarisunman. Chayta ruwaspaqa runas uyariyta munawasunchej. Ichapis parlarisunman kausay llakiy kasqanmanta, desastres pasashasqanmanta, chʼajwasmanta chayri waj imasmanta. Ichapis wasiyojman kayta tapurisunman: “¿Maykʼajllapis chay imas chinkanqachu? ¿Pitaj chay imasta chinkachenqa?”, nispa. Chantá chaymanta parlaj versiculota leeripusunman. Wasiyoj astawan yachakuyta munajtenqa uj videota qhawarichisunman chayri Bibliamanta yachachinapaj uj publicacionta saqesunman. Runaj sonqonman chayanapaj kallpachakuna, sumaj willaykunaraykutaj tukuy imata ruwana (1Co 9:22, 23).

Predicanchej chay lugarpi, ¿imasmantataj runas astawan yachayta munanku?