¿Imataj chay grabasqas kanku? Diospa Palabran Bibliamanta grabaciones, pisimanta pisitaj tukuy atikusqan parlaykunapi orqhokushan. Chaytaqa mana uj vozllawanchu grabakun, manaqa ashkha voceswan. Chayrayku chay grabacionesqa may kʼachitu kanku. Chantapis actuashankumanpis jina grabasqa kashan, imatachus Biblia yachachisqanta sutʼita entiendenanchejpaj.

¿Imaynatataj Bibliamanta grabasqasta uyariy yanapawanchej? Ashkhasqa Bibliamanta grabasqasta uyariytapuni yachanku, uyarishaspataj sutʼipipis rikushankuman jina sientenku. Grabacionespi waj waj vocesta uyarisqankuraykutaj, sumajta entiendenku chaypipis kashankuman jina (Pr 4:5). Wakintaj ninku chay grabacionesqa llakiypi kashajtinku sonqonkuta tiyaykuchisqanta (Sl 94:19).

Diospa Palabranmanta grabasqasta uyareyqa mayta yanapawasunman (2Cr 34:19-21). ¿Entiendesqayki parlaypi Bibliamanta grabasqas tukuynin chayri wakillanpis kanchu? Kajtenqa allin kanman chayta sapa kuti uyarispa yanapachikunayki.

BIBLIATA UYARINAPAJ: IMAYNATACHUS GRABAKUSQAN (JUCHʼUY VIDEO) NISQA VIDEOTA QHAWAYTAWAN KAY TAPUYMAN KUTICHIY:

Bibliamanta grabaciones imaynatachus ruwakusqanmanta, ¿imataj astawan tʼukuchisunki?