Kay libroqa, Yachachin libro jinallataj (niraj quechuapi kanchu). Iskaynin libros kikin yachachiykunallatataj yachachinku. Chaywanpis kay mosoj libroqa sumajta entiendenapaj jina kashan. Kay libroqa pikunachus mana Yachachin librota entiendeyta atillankuchu, chaykunapaj ruwasqa kashan. Libroj tukukuyninpi manaña yapan kanchu, jinapis chay libropi rikhurej wakin palabrasmanta sutʼinchaykuna tiyan. Chay libropeqa mana kanchu yachaqanaj qallariyninpi tapuykuna, nitaj tukukuyninpi yuyarinapaj recuadropis. Astawanqa chay yachaqanapi Bibliaj yachachisqanta sutʼinchashan. Chantapis Yachachin librota jinallatataj maykʼajllapis saqesunman, chay killa waj publicacionwan predicashajtinchejpis. ¿Imaynatá kay mosoj librowan yanapachikusunman Bibliamanta yachachinapaj?

BIBLIAJ YACHACHISQAN. Runasmanqa yachachisun Yachachin librowan jinallataj parrafosta leerispa, tapuykunasninta tapurispataj. Chaywanpis, ¿imatá ruwasunman Bibliamanta yachakuyta munaj mana yachachishasqanchej parlayta allinta yachajtin chayri mana leeyta yachajtin? Chay librowan yachachisunman. Jinapis sapa yachaqanaj tukukuyninpi “Bibliaj yachachisqan” nishan chayllata ukhuncharisunman, yachakojtataj tukuynin yachaqanata sapallanpi leenanpaj kallpacharisunman. Chayrayku uj cheqa yachachiyta 15 minutospi jinalla yachachinanchej kanqa. Chaypeqa mana yachaqanapi jina tukuy imatachu sutʼinchan. Chayrayku sumajta wakichikunanchej tiyan, chantá yachananchej tiyan Bibliamanta yachakoj mashkhatachus entiendesqanta. Yachaqanata estudiaspaqa, “Bibliaj yachachisqan” nisqawan yachakojta yuyarichisunman.

SUTʼINCHAYNIN. Chaypi kaj palabras, yachachiykuna imaqa yachaqanasman jina kashan. Yachachej hermanoqa, chaykunata Bibliamanta yachakojwan estudiashaspa, ukhunchanankutachus manachus qhawarinan tiyan.