Predicacionman llojsinapaj tantakuykunaqa waj tantakuykuna jina Jehovamanta uj sumaj regalo kanku. Imaraykuchus yanapawanchej munakuyta rikuchinapaj, allin ruwaykunatataj ruwanapaj (Heb 10:24, 25). Kay tantakuypi hermanosta nikun piwanchus predicanankuta, maypichus willanankuta, chantapis mañakuyta ima ruwakun. Tukuy chaytaj 5 chayri 7 minutospi ruwakunan tiyan. Waj reunión pasayta ruwakun chaytaj, aswan pisiraj kanan tiyan. Predicacionta orqhoj hermanoqa imachus predicacionpi hermanosta yanapananpaj jina parlarinman. Semanapi predicacionman mana llojsej hermanosqa sabadosta llojsinku. Chayrayku allin kanman imatachus hermanos predicacionpi ninankuta yuyarichinan. ¿Imasmantá parlarikullanmantaj?

• Cristiano Kausayninchej tantakuypaj folletopi predicanapaj nisqa partemanta.

• Imaynatachus uj noticiawan predicanamanta.

• Predicacionpi imatachus runas nisqankumanta.

• Waj creenciasniyoj runasman chayri waj idiomata parlaj runasman imaynatachus predicanamanta.

• Imaynatachus predicacionpi jw.org nisqata, JW Library^® aplicacionta chayri Bibliata allinta apaykachanamanta.

• Imaynatachus Bibliata estudiachinapaj yanapasta allinta apaykachanamanta.

• Imaynatachus telefononejta, cartanejta chayri carritowan predicanamanta chayri revisitasta, estudiosta ima ruwanamanta.

• Predicashaspa imamantachus cuidakuna kasqanmanta, runaswan kʼachas kanamanta chayri waj imasmanta.

• Leellaypuni, yachachillaypunitaj nisqa folletoj ujnin yachaqananmanta chayri ujnin videonmanta.

• Imaynatachus compañeronchejta yanaparinamanta chayri kallpacharinamanta.

• Uj versiculomanta chayri uj experienciamanta.