Jehovaj testigosnenqa, payman kausayninchejta qopusqanchejrayku, astawan payman qayllaykuyta atinchej. Diosqa Wawannejta payman pusawarqanchej, mañakusqanchejtapis uyarin (Sl 34:15; Jn 6:44).

Diospa qayllallanpipuni kanapajqa ama israelitas jina sajra imasta ruwanachu. Paykunaqa Jehová Dioswan tratota ruwasqankumanta pisi tiemponman, qorimanta uj waka uñata ruwakorqanku chaytataj yupaycharqanku (Éx 32:7, 8; 1Co 10:7, 11, 14). Kaypi piensarina: “¿Imatataj ruwasunman juchapi urmanapaj jina kashajtinchej? ¿Imastachus ruwasqanchej rikuchinchu Jehová Diospa qayllanpi kasqanchejta jatunpaj qhawasqanchejta?”. Jehová Diosta munakusun chayqa, imastachus pay chejnisqanmanta ayqekusun (Sl 97:10).

JEHOVAJ QAYLLALLANPIPUNI KANAPAJ SAJRA IMASMANTA JARKʼAKUNA (COL 3:5) NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynataj munapayaj runa?

• ¿Imaraykutaj ayqenanchej tiyan wajkunaj imasninta munapayaymanta, llulla dioskunata yupaychaymantawan?

• ¿Khuchichakuy jucha, llulla dioskunata yupaychaywan kikinchu?

• ¿Imaraykutaj congregacionpi ñaupajman apaj hermanos warminkuwan kanankupaj tiempochakunankupuni tiyan?