Anchata parlaykuy: Mana qanllachu tukuy imata sutʼinchanayki tiyan. Jesusqa runas allinta entiendenankupaj tapuykunata ruwaj (Mt 17:24-27). Tapuykunata ruwajtiykeqa Bibliamanta yachakojpis parlarillanqataj, jinamanta imapichus creesqanta yachanki, chantapis entiendeshasqantachus manachus (be-S pág. 253 párrs. 3, 4). Uj tapuyta ruwaspaqa pacienciawan suyay kutichisunanta. Mana kutichejtintaj ama qan kutichiychu. Astawanpis allinta kutichinanpaj waj tapuykunata ruway (be-S pág. 238 párrs. 1, 2). Bibliamanta yachakoj entiendenanpaj jina parlariy (be-S pág. 230 párr. 4).

Mana entiendenapaj jina parlaykuy: Ama tukuy imatapuni sutʼinchaykuychu (Jn 16:12). Imamantachus parrafopi parlashan chayllamanta sutʼinchay (be-S pág. 226 párrs. 4, 5). Ashkha imasta sutʼinchajtiykeqa, mana entiendenqachu imatachus yachachishasqaykita (be-S pág. 235 párr. 3). Uj parrafota entiendenña chayqa qhepan parrafoman pasaychej.

Mana ashkhatapunichu estudiana: Estudiashaspaqa runaj sonqonman chayayta munanchej, nitaj leeyllatachu (Lu 24:32). Diospa Palabranqa atiyniyoj chayrayku chaywan yanapachikuspa wakin ajllasqa textosta sutʼinchay (2Co 10:4; Heb 4:12; be-S pág. 144 párrs. 1-3). Rijchʼanachinaswan sutʼinchay (be-S pág. 245 párrs. 2-4). Yachakoj imastachus mana atisqanta, imaspichus creesqantataj reparay, chayman jinataj yachachiy. Tapuriwajtaj: “¿Imatá yuyanki yachakushasqaykimanta? ¿Imatá Jehovamanta yachachiwanchej? ¿Imaynatá yanapasunkiman kay yachakusqaykiman jina kausakuy?”, nispa (be-S pág. 238 párrs. 3-5; pág. 259 párr. 1).