¿IMARAYKUTAJ RUWANANCHEJPUNI TIYAN? Tantakuykunapeqa sapa semana Jehová Diosman takinchej, jatunchanchej ima (Sl 149:1). Jehovaj munayninta ruwayta yachakunchej (Sl 143:10). Bibliamanta yachakuyta munajkuna, yachakojkunañapis tantakuykunaman jamuspa astawan ñauparinku.

¿IMAYNATÁ RUWASUNMAN?

• Ñaupajmantapacha wajyarina. Mana unayta Bibliata estudiasparajchu (Apo 22:17).

• Bibliamanta astawan yachakuyta munajman imaynachus tantakuykunasninchej kasqanta sutʼinchay, chantá imamantachus qhepan semanapi parlakunanmanta willariy. Chaypajqa yanapasunkiman tantakuykunaman wajyarinapaj invitación, ¿Imaynataj tantakuykunasniyku? nisqa video, chantá ¿Pikunataj Jehovaj munayninta ruwashanku? nisqa folletoj 5, 7 yachaqanasnin.

• Yanaparinaykita niy. ¿Imapichus, ima ropawantajchus rinanta yachanchu? Tantakuykunapi paywan tiyakuy, publicacionestataj mañariy. Wajkunamanpis rejsichiy.