Predicashajtinchej wasimanta uj wawita llojsimojtin, tatanta chayri mamanta wajyarimunanta nisunman, ajinamanta paykunata respetasqanchejta rikuchinchej (Pr 6:20). Wasinman yaykunanchejta niwajtinchejtaj mana yaykunallachu. Tatasnin mana tiempoyoj kajtinkoqa waj día kutisunman.

Uj wawa jovensituña kajtinpis, tatanta chayri mamanta wajyarimunanta nillasunmantaj. Tatasnin mana tiempoyoj kajtinkoqa, tapurisunman ima publicaciontapis leejta saqellasqankutachus manachus. Munajtinkutaj mayqen publicacionllatapis saqesunman, Internetpitaj jw.org nisqata rikuchisunman.

Bibliamanta astawan yachakuyta munaj jovenman kutispaqa, tatasnintapis rejsiyta munasqanchejta nisunman. Ajinamanta sutʼinchasunman imamanchus risqanchejta, Bibliapi familiaspaj sumaj yuyaychaykuna kasqanmantataj parlarisunman (Sl 119:86, 138). Tatasninkuta respetajtinchejqa paykuna allinta parlanqanku imatachus ruwasqanchejmanta, chantá waj kutispipis familianwan sumaj willaykunamanta parlariyta atisun (1Pe 2:12).