Imaynatachus uj correj runa cuerponta ejerciciosta ruwayman sumajta yachaykuchin, ajinallatataj noqanchejpis sonqonchejta yachachisunman, imachus allin imatajchus mana allin kasqanta reparachinawanchejpaj (Heb 5:14). Wakin kutisqa wajkuna ruwasqankuman jinalla ruwayta munasunman, chaywanpis aswan allin kanman sumajta piensarikuspa noqanchej kikin imatapis ajllananchejta. Imajtinchus sapa ujninchej ruwasqasninchejmanta Diosman cuentata qonanchej kanqa (Ro 14:12).

Unayña bautizasqa kaspapis mana nisunmanchu imatapis sumajta ajllayta atisqanchejta. Imatapis sumajta ajllanapajqa Jehovapi, Palabranpi, llajtanpi ima tukuy sonqo atienekunanchej tiyan (Jos 1:7, 8; Pr 3:5, 6; Mt 24:45).

“LLIMPHU SONQOYOJLLAPUNI KAYCHEJ” NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imatataj hermananchej Ema ajllanan karqa?

• ¿Imaraykutaj saqenanchej tiyan wajkuna concienciankuman jina imatapis ajllanankuta?

• ¿Imatataj uj qhariwarmi, Emata yuyaycharerqanku?

• ¿Maypitaj hermananchej Ema necesitasqan yuyaychaykunata tarerqa?