49 yachachiy

Inti sayakapun

JOSUETA qhawariy. ‘¡Inti, ama kuyuychu!’, nichkan. Intitaq sayarpan. Janaq pachap khuskanninpi juk pʼunchayta qhipakurqa. ¡Jehová kayta ruwarqa! Kunantaq imaraykuchus Josué chayta mañakusqanta qhawarina.

Canaanmanta phichqa saqra reyes Gabaonwan maqanakuyta qallariptinku, gabaonitasqa Josuemanta yanapata mañakamurqanku: ‘¡Usqhayta jamuychik, Salvawayku!, nispa. Canaanmanta reykuna jukllapi tantakuspa. Kamachisniykita wañuchiq jamunku’, nispa.

Josué soldadosninwan chayta uyariytawan, tukuy tuta purirqanku. Gabaonman chayaptinkutaq, chay phichqa reyesqa mancharikuspa ayqiyta qallarirqanku. Chayllapi Jehová cielomanta jatuchaq granizosta parachimurqa. Jehová kay granizowan astawan cananeosta wañurachirqa, israelitas wañuchisqankumantaqa.

Josué chʼisiyachkasqanta rikun. Laqhayaptinqa chay phichqa reyespa soldadosnin ayqinqanku. Chayrayku Josué Jehovamanta mañakuspa, nin: ‘¡Inti, ama kuyuychu!’, nispa. Intitaq sayarpan, jinamanta israelitasqa atiparqanku.

Canaanpi Diospa llaqtanta chiqnikuq saqra reyes kallarqankutaq. Josué soldadosninwan 6 watapi chay 31 reyesta atiparqanku. Chaymanta, Josué Canaán jallpʼata israelitakunaman qupurqa.

Josueqa unaytaraq kawsaspa, 110 watayuq wañupurqa. Josué, munasqa masisnin ima kawsachkaptinku, tukuypis Jehovata kasuq kanku. Runaqa paykuna wañupusqankumanta qhipaman millaykunata ruwarqa. Diostaq watiqmanta yanapanan karqa.

Josué 10:6-15; 12:7-24; 14:1-5; Jueces 2:8-13.