Egiptopi juk saqra runa kamachin
27 yachachiy
Egiptopi juk saqra runa kamachin
DIBUJOPI runakunaqa, wak runakunata llakiyta llamkʼachichkanku. ¡Qhawariy chay siqʼuchkaqta! Llamkʼaqkunaqa Jacobpa ayllunmanta kanku, israelitakuna sutichasqa kanku. Maqaqkunataq Egiptomanta kanku. Paykuna israelitakunata maqaspa llamkʼachinku. ¿Imaraykutaq jinari?
Jacobpa familianqa unayta allinta Egiptopi tiyakurqanku. Joseqa Faraonpa qhipanpi kamachinapaq atiyniyuq kaspa, paykunata jarkʼaq. José wañupusqanmanta juk musuq Faraón Egiptopi kamachiyta qallarirqa.
Kay saqra Faraonqa israelitakunata watayapurqa. Paykunata kamachinapaq saqra runata churarqa. Egipciosqa llaqtasta ruwachikuspa israelitakunata phutiyta llamkʼachirqanku. Chaywanpis israelitakuna mayta mirarqanku. Egiptomanta runaqa israelitakuna achkha atiyniyuq kasqankurayku mancharikurqa.
¿Imatataq Faraón ruwarqari? Parterasta nacekuq wawitasta wañuchinankuta nirqa: ‘Qhari wawa nacekuptin wañuchinkichik’, nispa. Chay warmikunaqa, kʼacha runa karqanku, mana uña wawitasta wañuchirqankuchu.
Chayrayku Faraonqa llaqtanta jinata kamachirqa: ‘Tukuy qhari wawasta wañuchiychik. Warmi wawasllata kawsaqta saqiychik’, nispa. ¿Manachu kay ruwaykuna saqra kasqanta niwaq? Qhawarina imaynamanta juk qhari wawita mana wañurqachu.
