Qanchik kaq tanta

Jesús kawsarimusqanmanta Pablo wisqʼachikusqankama

Wañusqanmanta 3 pʼunchayninman Jesús kawsarimurqa. Chay pʼunchayqa discipulosninman 5 kutita rikhurikurqa. Chanta 40 pʼunchayta rikhurillarqapuni. Chantapis, discipulosnin rikuchkaptinku janaqpachaman wicharirqa. Chaymanta 10 pʼunchayninman, Dios Jesuspa discipulosninman Jerusalenpi kachkaptinku santo espiritunta tʼakamurqa.

Chaymanta qhipamanqa, Diospa enemigosninqa apostolkunata wisqʼaykuchirqanku, juk angeltaq paykunata kacharichirqa. Discipulosta qhatiykachaqkuna Estebanta chʼanqaspa wañuchirqanku. Chantapis, Jesucristo chay runasmanta juk sumaq kamachita akllakurqa, kayqa apóstol Pablo karqa. Jesús wañusqanmanta kimsa wata khuskanninman, Diosqa apóstol Pedrota mana judío Cornelioman ayllunman ima reinonmanta willamunanpaq kacharqa.

Chaymanta 13 watanman Pablo Diosmanta willaspa chʼusayta qallarirqa. Iskay kaq chʼusaqayninpi Timoteo paywan rirqa. Pablo paywan riqkuna ima, Diospa munayninta ruwaspa mayta kusikurqanku. Chaymanta, Pablota Romapi iskay watanmanta wisqʼaykuspa kacharipurqanku. Chaywanpis watiqmanta wisqʼaykuspa wañuchirqanku. Kay QANCHIS kaq tantaqa 32 watasmanta willawanchik.