99 yachachiy

Pata wasipi

JESÚS olivos urqupi kasqanmanta iskay pʼunchayninman jueves chʼisipi, apostolesninwan kay pata cuartopi tatankurqa pascua mikhunata mikhunapaq. Cuartomanta lluqsiqqa Judas Iscariote. Jesusta imaynatachus japʼinankuta sacerdotesman willamuchkan.

Judas miércoles pʼunchaypi sacerdotesman nirqa: ‘Jesusta japʼiysiykichikman chayqa, ¿imata quwankichik?’, nispa. Paykunataq nirqanku: ‘Kimsa chunka qullqita qusqayku’, nispa. Kunantaq Judas paykunawan tantakuq richkarqa, Jesuspaman paykunata pusananpaq. ¡Kayqa mana allinchu! ¿Ichari?

Pascua mikhuy tukukuptin, Jesusqa juk sumaq mikhuyta qallarirqa. Apostolesninman juk tʼantata jaywaspa nirqa: ‘Mikhuychik, kaymin cuerpoyqa, qamkunarayku jaywasqa kanqa’, nispa. Chanta vinota jaywaspa nirqa: ‘Ukyaychik, kaymin yawarniyqa, qamkunarayku jichʼasqa kanqa’, nispa. Bibliaqa kay mikhuyta ‘señorpa cenan’, nispa sutichan.

Israelitasqa pascuata yuyariq kanku, Diospa angelninqa israelitaspa wawankuta mana wañuchisqanta yuyarinankupaq, manaqa egipciospa kuraq wawasnillanta. Jesusqa payta qhatiqkuna, paykunarayku wañusqanta yuyarinankuta munarqa. Chaypaq kay mikhuyta, sapa wata ruwakun.

Señorpa cenanta tukuytawan, Jesús apostolesninman, mana llawchʼiyanankuta, mana manchachikunankuta nirqa. Chanta, khuskan tutataña kaptin, Diosman takispa lluqsirqanku. ¿Maymantaq rirqanku?

Mateo 26:14-30; Lucas 22:1-39; Juan 13 tʼaqamanta 17 tʼaqakama; 1 Corintios 11:20.