¿Ima sumaj herenciatataj wawasniykichejman saqewajchej? Paykunaqa munakunaykichejta, yanapanaykichejta, jarkʼanaykichejta ima munanku. Chaywanpis aswan sumaj herenciaqa, Jehovamanta yachachisqaykichej, Bibliamanta cheqa kajtapis (Juan 17:3). Chaytaj wawasniykichejta juchʼuymantapacha, Jehovata astawan munakunankupaj, tukuy sonqotaj yupaychanankupaj yanapanqa (Mateo 21:16).

Ashkha tatasqa pisi yachachiykunallawan wawitas sumajta yachakusqankuta reparanku. Chayrayku mayta kusikuyku kay Bibliamanta yachakunaypaj nisqa folletota orqhokusqanmanta. Entiendeyta atinapaj jinalla kasqanrayku, tatasqa wawasninkuman yachachiyta atillanqanku. Rikhurisqan dibujos, letras imaqa, kinsa watayojkamallapaj. Chantapis imastachus ruwanata nishan. Kay folletoqa mana pujllanapajchu. Astawanpis qankuna, wawasniykichejwan khuska leenaykichejpaj, parlarinaykichejpaj ima wakichisqa kashan.

Kay folletoqa wawasniykichejman “wawamantapacha” Bibliamanta yachachinaykichejpaj, ¡mayta yanapasonqachej! (2 Timoteo 3:14, 15).

Hermanosniykichej,

Diospa Llajtanta Kamachejkuna