CAPÍTULO 7
Babelpi uj torreta ruwarqanku
Jatun Para pasayta, Noej wawasnenqa ashkha wawasniyoj karqanku. Ashkhayasqankuraykutaj tukuynejman tiyakoj riporqanku, Jehová Dios nisqanman jina.
Jinapis wakin familiasqa mana Jehová Diosta kasukorqankuchu. Paykunamanta wakenqa nerqanku: “Ruwanachej uj llajtata, uj torretawan cielokama chayajta. Ajinamanta may rejsisqas kasunchej”, nispa.
Qhepan capitulopitaj yachakusun tukuynin runaschus manachus sajra runas kasqankuta.
Jehová Diosqa mana allinpajchu qhawarqa chay ruwashasqankuta. Chayraykutaj manaña chay torreta ruwanankupaj parlayninkuta chajrorqa. Runastaj chay lugarta “Babel” nispa suticharqanku. Chaytaj niyta munan “chajruy”. Paykunaqa manaña entiendenakuyta atisqankurayku chay llajtata manaña ruwarqankuchu, waj lugaresmantaj tiyakoj riporqanku. Jinapis maymanchus riporqanku chay lugarespi sajra imasta ruwallarqankupuni.“Pichus jatunchakojqa kʼumuykachachisqa kanqa, kʼumuykukojtajrí jatunchasqa kanqa” (Lucas 18:14).