Diospa masin kanaykipaq, payta riqsinayki tiyan. Masiykikunaqa sutiykita yachanku, uqharinkutaq, ¿ichari? Jinallataq Dioswanpis, payqa sutinta riqsinaykita, uqharinaykita munan. Payqa “Jehová sutiyoj” (Salmo 83:18, Quechua de Cuzce, ABS-1968-QB; Mateo 6:9). Chaymantapis, Dios munasqanta mana munasqanta yachanayki tiyan, pikunataq masinkuna, pikunataq awqankuna kanku, yachanallaykitaq tiyan. Pillatapis unaypi sumaqta riqsinchik; Biblia nin, yuyayniyuq runajina tiempochakuy Jehovata riqsinaykipaq (Efesios 5:15, 16).

Diospa masinkuna pay munasqanta ruwanku. Masiykikunapi tʼukuriy. Paykunata usuchiptiyki, mana munasqankuta ruwaptiyki, ¿masiykikunallapunichu kanqanku? Mana ichari. Dioswanpis jinallataq, paywan masichakuyta munaspaqa, munasqanta ruwanayki tiyan (Juan 4:24)

Mana tukuy religionchu Diospa masichakuyninman apan. Jesusqa Diospa may munasqa masin, pay iskay ñanmanta parlarqa. Juk ñan jatun, runamanta juntʼa. Kay ñantaq chinkayman pusan. Juknintaq kʼullku, pisi runataq richkanku, kay ñantaq wiñay kawsayman pusan. Chayrayku, Dioswan masichakuyta munaspaqa, mayqinchus chiqa yupaychay kasqanta yachananchik tiyan (Mateo 7:13, 14).