Juk masiyuq kanallapaqpuni, paywan parlananchik tiyan. Uyarisunchik, paypis uyarillawasuntaq. Waqkunaman paymanta allinta rimanchik. Jinallataq Dioswanpis, pay masinllanchikpuni kananpaqqa. Qhawarina imatachus Biblia nin ruwananchikta.

Jehovamanta mañakunallapuni. “Mana saykʼuspa Diosmanta mañakuychejpuni.” (Romanos 12:12.)

Diospa Rimayninyta, Bibliata ñawirina. “Diosmanta tukuy Qhellqasqaqa paypa yuyaychasqan kaspa, may sumaj kashan yachachinapaj, juchata reparachinapaj, cheqa kajman kutirichinapaj.” (2 Timoteo 3:16.)

Diosmanta wakkunaman yachachina. “Chayrayku rispa, tukuy laya runasta yachachisqasniyman tukuchimuychej [...]. Yachachimuychej paykunaman imatachus noqa kamacherqaykichej.” (Mateo 28:19, 20.)

 Diospa masinkunaman qayllaykuna. “Yachayniyojkunawan purejqa yachayniyojllataj kanqa.” (Proverbios 13:20.)

Tantakuy Wasiman tantakamuna. “Purajmanta kallpachanakuspa yanaparinakunachej, munanakuypi kawsananchejpaj, allin ruwaykunata ruwananchejpajtaj. [...] Astawanqa kallpachanakuspa ujkuna ujkunata.” (Hebreos 10:24, 25.)

Reinop llamkʼaynin ñawpananpaq yanapana. “Sapa uj churachun sonqompi yuyasqanman jina, mana llakikuspa, nitaj kamachisqa jinachu, imaraykuchus Diosqa munakun pichus kusiywan qojta.” (2 Corintios 9:7.)