Aguantay
¿Diospa kamachisnin aguantayta yachanachu tiyan?
¿Imaraykutaj mana tʼukunchejchu wakin runas willasqanchejta mana uyariyta munajtinku chayri churanakuwajtinchej?
Mt 10:22; Jn 15:18, 19; 2Co 6:4, 5
Chaymanta parlaj versículos:
2Pe 2:5; Gé 7:23; Mt 24:37-39. Noé “cheqan kajta” willajtinpis casi tukuy runas willasqanta mana uyarerqankuchu. Chayrayku paywan familiallanwan salvakorqanku.
2Ti 3:10-14. Apóstol Pabloqa Timoteota nerqa pay jina aguantananta.
¿Imaraykutaj mana tʼukunchejchu imapichus creesqanchejrayku familiaresninchejpis churanakuwajtinchej?
Chaymanta parlaj versículos:
Gé 4:3-11; 1Jn 3:11, 12. Cainqa ruwasqasnin sajra kasqanrayku hermanon Abelta wañucherqa, Abelpa ruwasqasnintaj cheqan karqa.
Gé 37:5-8, 18-28. Josetaqa hermanosnin uj pozoman choqaykorqanku, esclavota jinataj venderqanku. Chayta ruwarqanku imatachus mosqokusqanta paykunaman willasqanrayku.
Qhatiykachasqa kaspa, ¿imaraykutaj wañuyta mana manchachikunchejchu?
Leerillaytaj Ap 2:10.
Chaymanta parlaj versículos:
Da 3:1-6, 13-18. Rey Nabucodonosorqa nerqa santonta mana yupaychajkuna wañuchisqa kanankuta, jinapis Sadracwan, Mesacwan, Abednegowanqa mana chay santota yupaycharqankuchu.
Hch 5:27-29, 33, 40-42. Apostolesqa Diosmanta willallajtinkupuni wañuchisqas kanankuta nejtinkupis willallarqankupuni.
Jehová cheqanchawajtinchejpis, ¿imata yachaytaj yanapawasun payta kasukunallapajpuni?
Chaymanta parlaj versículos:
Nú 20:9-12; Dt 3:23-28; 31:7, 8. Moisesqa Jehová cheqanchasqanmanta mayta llakikuspapis, wañupunankama Jehovata kasukullarqapuni, aguantallarqapunitaj.
2Re 20:12-18; 2Cr 32:24-26. Rey Ezequiastaqa pantaykusqanrayku Jehová cheqancharqa, Ezequiastaj chayta japʼikorqa, Jehovatataj sirvillarqapuni.
¿Imajtintaj mana aguantayta atillasunmanchu wajkuna manaña Jehovata sirvejtinku?
Chaymanta parlaj versículos:
Sl 73:2-24. Uj salmistaqa sajra runasta allin risqanta, allintataj kausakusqankuta rikuspa, Jehovata sirviy qhasilla kasqanta yuyarqa.
Jn 6:60-62, 66-68. Apóstol Pedroqa sinchʼi creeyniyoj kasqanrayku mana wajkuna jinachu Jesusmanta karunchakorqa.
¿Imataj aguantanallapajpuni yanapawasun?
Jehovaman kʼaskaykuy
Diospa Palabranta leey, leesqanchejpitaj tʼukuriy
Jehovamanta mana saykʼuspa, sonqomantapachataj mañakuy
Chaymanta parlaj versículos:
Da 6:4-11. Profeta Danielqa kausaynin wañuy patapi kajtinpis mana saykʼuspa Diosmanta mañakullarqapuni, chaytataj mana pakayllapichu ruwarqa.
Mt 26:36-46; Heb 5:7. Jesusqa wañuchisqa kananpaj uj chʼisi faltashajtin Jehovamanta sinchʼita mañakorqa, discipulosnintapis mañakunallankutataj nerqa.
Jehovata yupaychanapaj hermanoswan tantakuy
Imatachus Jehová qonawanchejta nisqanpi yuyay
Jehovata, hermanostapis astawan munakuy
Sinchʼi creeyniyoj kay
Llakiykunapi kaspapis Jehovata kasukuspa payta kusichisqanchejpi yuyay
¿Imaraykutaj ninchej Jehovata mana wasanchaspa aguantasqanchej mana qhasichu kasqanta?
Aguantaspaqa Jehovata jatunchanchej
Pr 27:11; Jn 15:7, 8; 1Pe 1:6, 7
Chaymanta parlaj versículos:
Job 1:6-12; 2:3-5. Jobqa sinchʼi llakiykunata aguantaspa rikucherqa Satanás llulla kasqanta. Imaraykuchus Satanasqa interesraykulla Diosta sirvisqanchejta nin.
Ro 5:19; 1Pe 1:20, 21. Jesusqa mana Adán jinachu karqa, astawanpis wañupunankama Diosta kasukorqa. Ajinamanta sutʼita rikucherqa uj mana juchayoj runa may jina llakiypi rikukuspapis Jehovata kasukuyta atillasqantapuni.
Aguantaspaqa wajkunata yanapanchej aguantanankupaj
Aguantasqanchejqa yanapawanchej willaypi allin rinawanchejpaj
Aguantaspaqa Jehovata kusichinchej, chayraykutaj pay bendeciwanchej
Mt 24:13; Lu 21:19; 1Co 15:58; Heb 10:36
Leerillaytaj Ro 2:6, 7; Snt 1:12.
Kaykunatapis qhawaykurillawajtaj
CREEYNINKUMANTA YACHAKUNACHEJ
Noé: “Diospa munayninta ruwarqa”
¿Imaraykutaj Noewan, warminwan wawasninkuta uywanankupaj mayta kallpachakunanku karqa? ¿Imaynatá arcata ruwashaspa creeyniyoj kasqankuta rikucherqanku?
TORREMANTA QHAWAJ
‘Uyariwaychej mosqokusqayta willasqaykichej’
Wakin familiaspeqa entenados tiyan, chay familiasqa Josejpa familianmanta mayta yachakunkuman.
TORREMANTA QHAWAJ (CONGREGACIONPAJ)
Jehovawan mamaywan allinpi kani
Michiyo Kumagai manaña ñaupa tatasninta yupaychasqanrayku mamanwan manaña ñaupajpi jinachu karqanku. ¿Imatá ruwarqa mamanwan allinta watejmanta kausakunanpaj?
