Mana juchachana, llimphu sonqo
¿Imaynataj mana juchachana runa?
Sl 18:23-25; 26:1, 2; 101:2-7; 119:1-3, 80
Chaymanta parlaj versículos:
Le 22:17-22. Jehovaqa nerqa payman uj “sano” uywata jaywanankuta, mana iman imanasqata. Hebreo parlaypi “sano” nispa traducikun chay palabraqa, rijchʼakullantaj “mana juchachana”, “mana juchayoj” chayri “llimphu sonqo” nispa traducikun chay palabraman. Chaytaj niyta munan ni iman faltasqanta, tukuynintaj kasqanta. Chaytaj entiendechiwanchej Jehovata tukuy sonqo sirvina kasqanta, payllatataj yupaychana kasqanta.
Job 1:1, 4, 5, 8; 2:3. Job kausayninpi imastachus ruwasqanmantaqa, yachakunchej Jehovaj ñaupaqenpi mana juchachana kanapajqa, payta sonqomantapacha jatunpaj qhawana kasqanta, tukuy sonqo payllata yupaychana kasqanta, paypa chejnisqan imastataj mana ruwanachu kasqanta.
¿Imaraykutaj mana juchachana kananchej tiyan?
¿Imata yachaytaj yanapawasunman mana juchachana runallapuni kanapaj?
Tukuy kausayninchejpi mana juchachana kanapaj, ¿imatá ruwasunman?
Leerillaytaj Dt 5:29; Isa 48:17, 18.
Chaymanta parlaj versículos:
Job 31:1-11, 16-33. Jobqa tukuy kausayninpi Jehovata kasukorqa. Payqa mana khuchichakuy juchapi urmarqachu, mana ashkha kapuyniyoj kayta maskʼarqachu, wajkunawan kʼacha karqa, respetoyojtaj karqa. Jobqa Jehovallata yupaychaj, nitaj waj diosestawanchu.
Da 1:6-21. Danielwan kinsa compañerosninwanqa Jehovata pisipaj qhawaj runas chaupipi tiyakorqanku. Jinapis paykunaqa Diospa Leynin nisqanman jina, ima mikhunastachus mana mikhunankuchu karqa chay imasta mana mikhuspa llimphullapuni karqanku.
Pillapis kutin kutita jatun juchasta ruwan chay, ¿watejmanta mana juchachana, llimphu sonqotaj kayta atinmanchu?
Chaymanta parlaj versículos:
1Re 9:2-5; Sl 78:70-72. Jehovaqa rey Davidta juchasninmanta pesachikojtin perdonarqa, llimphu sonqota jinallapunitaj qhawarqa.
Isa 1:11-18. Jehovaqa llajtanman nerqa paykuna pesachikojtinku, manañataj sajra imasta ruwajtinku: puraj uyas kasqankumanta, may chhika juchasta ruwasqankumantapis perdonananta.
