Qhariwarmi kausay
¿Pitaj qhariwarmi kausayta rikhuricherqa?
¿Pillawantaj uj cristiano casarakunan tiyan?
¿Imaraykutaj uj cristiano mana allinpajchu qhawan testigo wawan mana testigo qhariwan chayri warmiwan casarakusqanta?
Chaymanta parlaj versículos:
Gé 24:1-4, 7. Abrahanqa machituña kashaspa wawan Isaacpaj, Jehovata yupaychaj warmita tariytapuni munarqa. Payqa mana munarqachu wawan uj cananea warmiwan casarakunanta, imaraykuchus cananeosqa waj diosesta yupaychaj kanku.
Gé 28:1-4. Isaacqa wawan Jacobta nerqa ama uj cananea warmiwan casarakunanta, astawanpis Jehovata yupaychaj warmita maskʼananta.
¿Imaynatá Jehová qhawan kamachisnin mana payta yupaychajkunawan casarakusqankuta?
Chaymanta parlaj versículos:
1Re 11:1-6, 9-11. Jehovaqa maytapuni Salomonpaj phiñakorqa yuyaychasqanta mana kasukusqanrayku, waj nacionesmanta warmiswantaj casarakusqanrayku. Chay warmisnintaj paypa sonqonta suwarqanku waj diosesta yupaychananpaj.
Ne 13:23-27. Kamachej Nehemiasqa Jehová jinallataj mayta phiñakorqa israelitas waj nacionesmanta warmiswan casarakusqankurayku. Chay warmisqa mana Diosta yupaychajchu kanku, chayrayku Nehemiasqa chay israelitasta cheqancharqa, kʼamerqataj.
¿Imaraykutaj may allinpuni Diosta kasukojwan, allinpaj qhawasqa kajwantaj casarakuy?
Leerillaytaj Ef 5:28-31, 33.
Chaymanta parlaj versículos:
1Sa 25:2, 3, 14-17. Abigailpa qosan Nabalqa manchay qhapaj runa kaspapis, mana allin qosachu karqa. Imaraykuchus payqa millay sajra runa karqa.
Pr 21:9. Piwanchus casarakunanchejta mana allintachu ajllajtinchejqa, mana allintachu kausakusun, ashkha llakiykunapitaj rikukusun.
Ro 7:2. Apóstol Pabloqa sutʼincharqa uj warmi casarakuspa pantaj runa qosanman watasqa kasqanta. Casada warmeqa qosanpaj atiyninpi kashan, chayrayku sumaj yuyayniyoj warmeqa niraj piwanchus casarakunanta ajllashaspa sumajtaraj tʼukurin.
Niraj casarakushaspa
Sichus uj qhari casarakuypi piensashan chay, ¿imaraykutaj allin kanman uj familiata mantieneyta atinanpichus manachus tʼukurinan?
Chaymanta parlaj versículos:
Pr 24:27. Uj qhari niraj casarakushaspa, niraj wawasniyoj kashaspa sumaj trabajador kanan tiyan, uj familiatapis mantieneyta atinan tiyan.
Uj qhariwan uj warmiwan rejsinakushaspa, ¿imaraykutaj mana kʼachita chayri alajito kasqallankutachu qhawananku tiyan? ¿Imaraykutaj imaynachus kasqankuta sumajta rejsinakunankupaj, sumaj yuyaychaykunatataj maskʼanankupaj kallpachakunanku tiyan?
Chaymanta parlaj versículos:
Rut 2:4-7, 10-12. Boazqa yacharqa Rut imayna warmichus kasqanta, imaraykuchus payqa rikorqa Rut sumaj trabajadora kasqanta, Jehovata munakusqanta, familianwan kʼacha kasqanta ima. Chantapis Boazqa uyarerqa wajkuna imatachus Rutmanta nisqankuta.
Rut 2:8, 9, 20. Rutqa yacharqa Boaz imayna qharichus kasqanta, imaraykuchus payqa rikorqa Boaz kʼacha, qorikuyta yachaj kasqanta, Jehovatapis munakusqanta.
¿Imaraykutaj Jehová munan uj qhariwan uj warmiwan rejsinakushaspa, chanta casarakunankupaj parlaytawanña paypa ñaupaqenpi llimphu kausayniyojllapuni kanankuta?
Chaymanta parlaj versículos:
Pr 5:18, 19. Uj qhariwan uj warmiwan rejsinakushaspa munakuyninkuta rikuchinakuyta atispapis, wakin imasta mana ruwayta atinkuchu, imaraykuchus chayqa casadosllapaj.
Can 1:2; 2:6. Ovejasta michej jovenwan sulamitawan rejsinakushaspa munakuyninkuta rikuchinakusqankoqa llimphu karqa, Diospa ñaupaqenpi allinpaj qhawasqataj.
Can 4:12; 8:8-10. Sulamitaqa llimphu kausayniyojllapuni karqa, nitaj munayninwan atipachikorqachu. Bibliaqa paymanta nin perqawan sumaj muyurisqa huerta jina kasqanta.
¿Imaraykutaj casarakojkuna leyesman jina civilmanta casarakunanku tiyan?
Qosaspa ruwayninku
¿Imata ruwanankutataj Jehová qosasman nin?
Cristiano qosas uma jina kamachishaspa, ¿pi jinataj ruwananku tiyan?
¿Imaraykutaj uj qosa warminta munakusqanta rikuchinan tiyan, warmin imaynachus kashasqantapis entiendenan tiyan?
Chaymanta parlaj versículos:
Gé 21:8-12. Jehovaqa Abrahanman nerqa, warmin Sarata uyarinanta, warminpa nisqan Abrahanman mana allinchu rijchʼajtinpis.
Pr 31:10, 11, 16, 28. Sumaj yuyayniyoj qosaqa, mana warminta ñawillanpichu purichin, nitaj pantasqasnillantachu qhawan, manachayqa Proverbios libromanta sumaj warmej qosan jina, warminpi atienekun, allinta ruwasqantataj nin.
Ef 5:33. Apóstol Pabloqa Dios yuyaychasqanman jina nerqa uj casada warmeqa qosan munakunanta necesitasqanta.
Casada warmispa ruwayninku
¿Ima sumaj ruwaytataj Jehová casada warmisman qon?
Casada warmispa ruwayninkumanta Biblia parlasqan, ¿warmista pisipajchu qhawachin?
Chaymanta parlaj versículos:
Pr 1:8; 1Co 7:4. Diosqa casada warmisman, mamasmanpis uj chhikan atiyta qon qhariwarmi kausay ukhupi, jinallataj wawasta uywaypipis.
1Co 11:3. Apóstol Pabloqa sutʼincharqa tukuy atiyniyoj Dioslla ni pejpa kamachiyninpi kasqanta, chantaqa tukuypis uj kamachejniyoj kanchej.
Heb 13:7, 17. Qharis chayri warmis kaspapis congregacionta ñaupajman apajkunaj kamachiyninpi kanchej, chayrayku paykunata kasukuna tiyan.
Mana creej qosayoj warmi, ¿imaynatá Jehovata kusichinman?
¿Imaraykutaj casada warmis qosankuta respetananku tiyan?
Chaymanta parlaj versículos:
Gé 18:12; 1Pe 3:5, 6. Saraqa qosanta mayta respetarqa, sonqon ukhullapi parlaspapis payta “wiraqochíy” nispa nerqa.
¿Imayna warmimantataj Biblia allinta parlan?
Chaymanta parlaj versículos:
Gé 24:62-67. Rebecaqa qosan Isaacta yanaparqa maman wañupusqanmanta sonqochakunanpaj.
1Sa 25:14-24, 32-38. Abigailqa kʼumuykukoj sonqowan Davidwan parlaj rerqa. Payqa wampu qosanpa sutinpi parlarqa, ajinamantataj wasinpi kajkunata tukuyninkuta salvarqa.
Est 4:6-17; 5:1-8; 7:1-6; 8:3-6. Reina Esterqa iskay kutita kausayninta wañuy pataman churarqa Diospa llajtanta salvananrayku. Payqa qosan mana wajyachishajtillan paypa ñaupaqenman yaykorqa.
Problemasta allinchanamanta
¿Bibliaj mayqen yuyaychaykunasnintaj casadosta yanapanman qhariwarmi kausayninkupi problemasta allinchanankupaj?
¿Bibliaj mayqen yuyaychaykunasnintaj casadosta yanapanman mana qolqeta maskʼayllaman qokunankupaj?
Lu 12:15; Flp 4:5; 1Ti 6:9, 10; Heb 13:5
Leerillaytaj “Qolqe” nisqata.
¿Bibliaj mayqen yuyaychaykunasnintaj casadosta yanapanman familiaresninkuwan parientesninkuwan uj problema kajtin chayta allinchanankupaj?
¿Bibliaj mayqen yuyaychaykunasnintaj casadosta yanapanman qhariwarmi jina puñuykuymanta Dios munasqanman jina yuyanankupaj?
¿Imaraykutaj casados kajkuna, qosanku chayri warminku imastachus allinta ruwasqankuta qhawananku tiyan, manataj pantasqasnillankutachu?
Phiñasqallapuni kanamanta nisqa, qosanchej chayri warminchej pantasqanta mana qonqanamanta nisqa, ¿imaraykutaj aswan allin uj problemata usqhayllata, munakuywantaj allinchananchej?
¿Imaraykutaj cristianos mana phiñakuywan atipachikunankuchu tiyan, mana qhaparqachanankuchu tiyan, mana sonqota nanachinapaj jina parlanankuchu tiyan, nitaj qosankuta chayri warminkuta maqanankuchu tiyan?
Uj qhariwarmi mana uj yuyayllaman chayankuchu chay, ¿imatataj iskayninku ruwananku tiyan?
Qhariwarmis Jehovaman qayllaykuytapuni kausayninkupi ñaupajman churanku chay, ¿ima bendicionestataj japʼinku?
Qhariwarmispaj kamachiykuna
¿Imatataj Biblia nin qhariwarmi jina puñuykuymanta, qhariwarmi kausaymanta ima?
¿Dios munanchu uj cristiano ashkha warmisniyoj kananta chayri uj cristiana ashkha qosasniyoj kananta?
¿Imaraykutaj ninchej uj qhariwan uj warmillawan casarananku kasqanta?
¿Imaraykutaj qhariwarmis wañupunankukama khuskallapuni kananku tiyan?
Biblia nisqanman jina, ¿ima kajtillantaj uj qhariwarmi divorciakuyta atin?
Bibliaqa nin ima kajtillanchus uj qhariwarmi divorciakuyta atisqanta, chayrayku mana chayman jinachu divorciakojtinku, ¿imaynatá Jehová chayta qhawan?
¿Uj viudo chayri uj viuda watejmanta casarakuyta atinchu?
Kaykunatapis qhawaykurillawajtaj
¡RIJCHʼARIY!
Familiaykipaj 12 yuyaychaykuna: Ujlla kaychej
Warmiykiwan chayri qosaykiwan, ¿kikin cuartopi tiyakoj runas jinallachu kankichej?
JOVENESPA TAPUKUYNINKU
¿Wakichisqachu kashanki piwanpis rejsinakunaykipaj?
Kaypi phishqa yuyachaykunata tarinki piwanpis rejsinakunaykipaj, casarakunaykipajpis listoñachus manachus kasqaykita reparanaykipaj.
