Tatamamas
Imaraykuchus Jehová qhariwarmi kausayta rikhurichisqanmanta, ¿mayqenkunataj wakin kashan?
¿Wawas tatamamaspaj uj bendicionchu kanku?
“Wawas, jóvenes” nisqata leeriy.
Chaymanta parlaj versículos:
Gé 33:4, 5. Jacobpajqa wawasnin Jehovamanta uj bendición karqanku.
Éx 1:15, 16, 22; 2:1-4; 6:20. Moisespa tatasnin Amramwan Jokebedwanqa kausayninkuta wañuy pataman churarqanku wawankuta jarkʼanankupaj.
¿Imatataj tatamamas wawasninkurayku ruwananku tiyan?
¿Imaraykutaj wawasman Jehovata kasukuyta yachachina allin?
Leerillaytaj 2Ti 3:14, 15.
Chaymanta parlaj versículos:
1Sa 2:18-21, 26; 3:19. Samueltaqa tatasnin qorqanku Diosta yupaychana toldopi sirvinanpaj. Jinapis payta watukoj rej kanku, imatachus necesitasqantapis qoj kanku. Samuelqa Jehovata mayta munakoj, payllatataj sirvej.
Lu 2:51, 52. Jesusqa tatasninta kasukojpuni, paykuna pantaj runas kajtinkupis.
¿Maypitaj tatamamas sumaj yuyaychaykunata tarinkuman wawasninkuta uywanankupaj?
Leerillaytaj Sl 127:1; Pr 16:3.
Chaymanta parlaj versículos:
Jue 13:2-8. Manoahqa Jehovaj bendicionninwan uj wawayoj kananta yachaspa, Jehovamanta yanapata mañakorqa imaynatachus chay wawata uywananta yachananpaj.
Sl 78:3-8. Jehovaqa munan tatamamas Bibliamanta yachakusqankuta wawasninkuman yachachinankuta.
Diosta munakoj familiapi uywasqa wawa, ¿imaraykutaj Diosta sirviyta ichapis saqepunman?
¿Wawas mashkhayoj kasqankumantapachataj tatas Diosmanta yachachinanku tiyan?
Chaymanta parlaj versículos:
Dt 29:10-12, 29; 31:12; Esd 10:1. Israelita tatasqa wawasninkuta Jehovamanta yachakunankupaj tantakuykunaman pusaj kanku.
Lu 2:41-52. Josewan Mariawanqa Jerusalén temploman Pascua Fiestapaj rispa, Jesustawan waj wawasninkutawan pusaj kanku.
¿Pikuna jinatataj tatamamas ruwananku tiyan wawasninkuta sajra runasmanta jarkʼanankupaj?
Chaymanta parlaj versículos:
Éx 19:4; Dt 32:11, 12. Imaynatachus uj águila irpitasninta lijrasnin patapi apan, sumajtataj jarkʼan, ajinallataj Jehovapis kamachisninta jarkʼan.
Isa 49:15. Jehovaqa kamachisninta cuidananta, jarkʼananta ima nin, imaynatachus uj mama wawitanta khuyakuywan cuidan chaymantapis astawanraj.
Mt 2:1-16. Satanasqa Jesusta wawita kashajtin wañuchiyta munarqa. Chaypajtaj chʼaskasta qhawaj yatirista sajra rey Herodespaman pusarqa. Jinapis Jehovaqa Wawanta jarkʼarqa Joseta Egiptoman ayqenanta nispa.
Mt 23:37. Jesusqa nerqa Diospa llajtanta tantayta munasqanta, imaynatachus wallpa chillwisninta lijrasnin uraman tantaykun ajinata.
¿Imaraykutaj tatamamas wawasninkuwan qhariwarmi jina puñuykuymanta parlananku tiyan?
Chaymanta parlaj versículos:
Le 15:2, 3, 16, 18, 19; Dt 31:10-13. Moisespa Leynenqa mana ni imata pakaspa qhariwarmi jina puñuykuymanta parlaj, Jehovataj kamacherqa chay Leyta leekushajtin wawaspis chaypi kanankuta.
Sl 139:13-16. Rey Davidqa Salmos libropi Jehovata jatuncharqa cuerponchej tʼukunapaj jina ruwasqa kasqanmanta, wawasniyoj kayta atisqanchejmanta ima.
Pr 2:10-15. Jehovaqa yachayta qowanchej sajra runasmanta, sajra yuyayniyoj kajkunamantawan jarkʼakunapaj.
¿Imaraykutaj wawasta munakuywan cheqanchana tiyan?
Pr 13:24; 29:17; Jer 30:11; Ef 6:4
Leerillaytaj Sl 25:8; 145:9; Col 3:21.
Chaymanta parlaj versículos:
Sl 32:1-5. Jehovaqa rey Davidta castigarqa juchallikusqanrayku, jinapis Davidqa sonqochakorqa Jehová tukuy sonqo arrepientekojkunata perdonasqanta yachaspa.
Jon 4:1-11. Profeta Jonasqa Jehovapaj mayta phiñakorqa, nitaj respetowanchu paywan parlarqa. Jinapis Jehovaqa paywan pacienciakorqa, khuyakoj kaytataj yachacherqa.
¿Imaraykutaj ninchej tatamamas munakusqankurayku wawasninkuta cheqanchasqankuta?
Kaykunatapis qhawaykurillawajtaj
¡RIJCHʼARIY!
Familiaykipaj 12 yuyaychaykuna: Ruwasqaykichejwan yachachiychej
Tatas, wawasniykichejwan kasuchikuyta munankichej chayqa, nisqaykichejwan ruwasqaykichejwan kikin kanan tiyan.
BIBLIAMANTA TAPUYKUNA
¿Imaynatá tatas wawasninkuman qhariwarmi jina puñuykuymanta yachachinkuman?
Bibliapeqa tiyan ashkha yuyaychaykuna. Chaykunataj tatasta yanapan qhariwarmi jina puñuykuymanta wawasninkuman yachachinankupaj, abusajkunamanta jarkʼanankupaj ima.
TORREMANTA QHAWAJ
¿Imaynatá allin tata kawaj?
¿Imaynatá wawasniykita sumaj runas kanankupaj yachachiwaj?
TORREMANTA QHAWAJ (CONGREGACIONPAJ)
Tatas wawasniykichejta wawamantapacha yachachiychej
¿Maykʼajtaj tatas wawasninkuman yachachiyta qallarinanku tiyan? ¿Imaynatataj yachachinkuman?
