Wakillanta allinpaj qhaway
¿Dios yuyanchu wakin runas rijchʼayninkurayku, llajtankurayku, ima familiamantachus kasqankurayku, qhapaj chayri wajcha kasqankurayku wajkunamanta nisqa aswan allin kasqankuta?
Hch 17:26, 27; Ro 3:23-27; Gál 2:6; 3:28
Chaymanta parlaj versículos:
Jn 8:31-40. Wakin judiosqa Abrahanpa mirayninmanta kasqankurayku jatunchakoj kanku, jinapis Jesusqa paykunata kʼamerqa mana Abrahán jinachu ruwasqankurayku.
¿Yuyakunanchejchu tiyan waj jina rijchʼayniyoj kajkunamanta, waj llajtayoj kajkunamanta aswan sumaj kasqanchejta?
Chaymanta parlaj versículos:
Jon 4:1-11. Jehovaqa Jonasman pacienciawan yachacherqa ninivitasmanta khuyakuyta, ninivitas mana Jonaspa suyunmantachu kajtinkupis.
Hch 10:1-8, 24-29, 34, 35. Apóstol Pedroqa mana judioschu kajkunata mana chʼichipajchu qhawanan kasqanta yachakorqa. Chayrayku Corneliota, wasinpi kajkunatawan yanaparqa cristianosman tukunankupaj. Paykunataj mana judío kajkunamanta ñaupaj cristianos karqanku.
Ashkha qolqeyoj cristianos, ¿yuyanankuchu tiyan wajkuna aswan sumajpaj qhawananku kasqanta? Chanta, ¿yuyakunankuchu tiyan wajkunamanta nisqa aswan sumaj kasqankuta?
Leerillaytaj Dt 8:12-14; Jer 9:23, 24.
¿Ñaupajman pusaj hermanos wajkunamanta aswan patapichu kashanku, wajkunatapis munasqankutachu ruwachinanku tiyan?
Chaymanta parlaj versículos:
Dt 17:18-20. Jehovaqa nerqa Israelmanta ni mayqen reypis yuyananchu kasqanta hermanosninmanta nisqa aswan sumaj kasqanta. Imaraykuchus Diospa ñaupaqenpeqa tukuyninku hermanos karqanku.
Mr 10:35-45. Jesuspa apostolesnenqa aswan sumajpaj qhawarqanku jatunpaj qhawasqa cargoyoj kayta, chayrayku Jesusqa paykunata cheqancharqa (Biblia de estudio nisqapi Mr 10:42 versiculoj sutʼinchayninta leerillaytaj, “dominan al pueblo” nisqata).
¿Imayna runatataj Dios allinpaj qhawan?
Runas leyesta cambiachiyta munaspa marchasta ruwasqankuman, ¿cristianos satʼikunankuchu tiyan?
Chaymanta parlaj versículos:
Jn 6:14, 15. Ashkha runasqa Jesusta reyninku kananpaj churayta munarqanku, pay nacionninkoj problemasninta allinchananpaj, Jesustaj mana munarqachu.
Kaykunatapis qhawaykurillawajtaj
JESUSMIN ÑAN, CHEQA KAJTAJ, KAUSAYTAJ
¿Abrahanchu tatanku karqa chayri Diablochu?
Jesusqa pichus Tatan kasqanta willarqa. Chantapis sutʼincharqa Abrahanpa wawasnin imaynachus kasqankuta.
BIBLIAMANTA YACHAKUNAPAJ
Jehová Dios Jonaswan pacienciakorqa
¿Imajtintaj Diospa profetanta uj jatun pescado oqoykorqa? ¿Imatataj Jonás ruwarqa salvakunanpaj? ¿Imatataj Jonás Jehová Diosmanta yachakorqa?
BIBLIAMANTA YACHAKUNAPAJ
Cornelio Diospa atiyninta japʼin
¿Imaraykú Jehová Dios waj llajtayoj runaj wasinman Pedrota kacharqa?
