4 YACHAQANA
¿Imataj karqa Satanasta uyarisqankurayku?
Adanwan Evawanqa Diosta mana kasukusqankurayku wañorqanku (Génesis 3:6, 23)
Evaqa katarej nisqanta kasuspa sachʼaj poqoyninta mikhuykorqa. Chantá Adanman jaywarqa, paypis chay poqoyta mikhuykullarqataj.
Chay sachʼaj poqoyninta mikhuykuspa iskayninku juchallikorqanku. Chayrayku Diosqa paykunata Edén huertamanta wijchʼumorqa.
Adanwan Evawanqa llakiyta kausakorqanku. Wawasninkupis ajinallatataj kausakorqanku. Chantá viejoyaspa wañorqanku. Paykunaqa wañuspa mana cielomanchu rerqanku, manaqa chinkaporqanku.
Wañusqasqa jallpʼaman tukunku, nitaj imatapis ruwankuñachu (Génesis 3:19)
Adanpa wawasnin kasqanchejrayku wañunchej. Wañuspataj mana rikunchejchu, mana uyarinchejchu, nitaj imatapis ruwanchejchu (Eclesiastés 9:5, 10).
Jehová Diosqa mana wañunanchejpajchu ruwawarqanchej. Chayrayku payqa tumpamantawan wañusqasta kausarichenqa. Paykunaqa Diosta kasukojtinku ni jaykʼaj wañonqankuchu, wiñaypajtaj kausakonqanku.
Kaykunatapis qhawaykurillawajtaj
BIBLIAMANTA SUMAJ YACHACHIYKUNA
¿Wañusqas imatapis sientenkuchu?
Bibliaqa niwanchej, aswan qhepaman ashkha runas Lázaro jinallataj wañuymanta kausarimunankuta.
BIBLIAMANTA SUMAJ YACHACHIYKUNA
¿Imaraykutaj Dios llakiykuna kananta saqen?
Biblia imatachus chaymanta nisqanta yachaytaj sonqochawanchej.
