ASTAWAN YACHAKUNAPAJ 16B
Sonqota nanachikuy, llakikuy, marcay, wañuchiy | ¿Maykʼajtaj kanqa? ¿Imaynataj kanqa?
Ezequiel 9 capitulopi mosqoypi jina rikusqanqa kay tiempopi juntʼakun. Imaynatachus juntʼakusqanta yachaspaqa, kay mundoj tukukuynin chayamojtin mana manchachikusunchu
Sonqota nanachikuy, llakikuy
MAYKʼAJTAJ: Qhepa pʼunchaykunapi, niraj manchay ñakʼariy chayamushajtin
IMAYNATA: Kʼacha sonqoyoj runasqa parlasqankuwan ruwasqankuwan rikuchinku kay mundopi sajra imasta ruwakusqanta chejnikusqankuta. Willakushasqan sumaj willaykunata japʼikunku, Cristo jina mosoj runa kaywan pʼachallikunku, Jehovaman kausayninkuta qopunku, bautizakunkutaj, Cristoj hermanosnintapis tukuy sonqo yanapanku
Marcay
MAYKʼAJTAJ: Manchay ñakʼariy tiempopi
IMAYNATA: Secretarioj tinta churanayoj runaqa Jesucristowan ninakun, tukuy nacionesta juzgaj jamojtin. May chhika runasmanta kajkunata juzgaspa ovejas kasqankuta nenqa, ajinamanta marcasqa kanqanku, chaytaj niyta munan Armagedonpi salvakunankuta
Wañuchiy
MAYKʼAJTAJ: Armagedonpi
IMAYNATA: Jesucristoqa cielopi ejercitosninwan, nisunman angeleswan, paywan kamachenqanku chay 144.000 ajllasqaswan kay sajra mundota tukuchenqa, Diosta kasukojkunatataj salvanqa paraisoman pusaykunanpaj