Jehovata munakojkunapaj:

1971 watapi “Nombre divino” nisqa jatun tantakuy ruwakorqa. Chay tantakuyman rejkunaqa may kusisqas mosoj publicacionesta japʼerqanku. Anuario para 1972 nerqa: “Chay jina publicacionestaqa ni yuyallarqankupischu japʼiyta”, nispa. Uj hermanotaj ujnin publicacionmanta nerqa: “Manchay tʼukunatapuni jamoj imasmanta willashan. ¡Chay jina publicaciontaqa ni jaykʼaj japʼerqaykurajchu!”, nispa. ¿Ima publicacionmantataj parlasharqa? Chay publicacionqa karqa “Las naciones sabrán que yo soy Jehová”... ¿cómo? nisqa libro. Chay libropi sutʼinchakusharqa Ezequiel libroj profeciasninmanta. Chay profeciastaj parlashan imaynachus qhepaman runaspa kausaynin kananmanta. Chayrayku chay libroqa may sumajpuni karqa.

Chay libro llojsimusqanmantapacha kunankama Jehovaj kamachisnenqa aswan ashkha kanku, uj millón khuskanniyojmanta, 8 millones kurajkama yapakunku (Isa. 60:22). Kay tiempopi Diospa llajtanpeqa may chhika runasña kanku, paykunataj mil kuraj idiomasta parlanku. Paykunamanta ashkhastaj ni jaykʼaj estudiarqankuchu Ezequielpa profeciasninmanta uj librota (Zac. 8:23).

Chantapis 1971 watamantapacha Bibliaj wakin yachachiykunasninta astawan sutʼinchakun (Pro. 4:18). Kay 1985 watapitaj aswan sutʼita entiendeyta qallarerqanchej ‘waj ovejasmanta’ kajkunaqa cheqanpaj qhawasqa kasqankuta Diospa amigosnin jina (Juan 10:16; Rom. 5:18; Sant. 2:23). Kay 1995 watamanta qhepamantaj, ñaupaj kutirayku entienderqanchej, Jesusqa “ovejasta cabrasmanta” tʼaqananta “manchay ñakʼariy” tiempopi (Mat. 24:21; 25:31, 32). Ajinata sutʼinchakusqantaj aswan sumajta yanapawarqanchej Ezequiel librota entiendenapaj.

Kay qhepa wataspi Bibliamanta wakin yachachiykuna astawan sutʼinchakun. Jesuspa kikinchaykunasnillanpiraj piensariy. Chay yachachiykunaqa manchay sutʼisitus kanku, sumajta entiendenchej, sonqonchejmanpunitaj chayan. Chay kikinchaykunamanta wakenqa manchay ñakʼariy tiempopi imaschus kananmanta parlashan, chaytaj qayllitapiña kashan. Chantapis kunanqa aswan sumajta entiendellanchejtaj Ezequiel libromanta wakin profeciasta. Chaykuna kanku: Magogmanta Gog (capítulos 38, 39), secretarioj tinta churanayoj runamanta (capítulo 9), chʼaki tullusniyoj pampamanta, iskay kʼaspis ujchakusqankumanta ima (capítulo 37). Tukuy chay imas sutʼinchakusqanrayku “Las naciones sabrán” nisqa libroqa allinchakunan karqa.

Chayrayku Diospa ashkha kamachisnin suyakusharqanku uj mosoj libro llojsimunanta, Ezequielpa profeciasninta sutʼinchananpaj. Chay librotaj kashan Tukuypis Jehovallata yupaychajtinku. Kay libroqa 22 capitulosniyoj, chay capitulosninta leerishaspataj sumaj wakichisqa dibujosninpi, fotosninpi ima tʼukuriy. Imatachus Jehová Ezequiel libronejta willachiyta munarqa chayta entiendenaykupajqa ashkhata Diosmanta mañakorqayku, tʼukurerqaykutaj. Kay tapuykunaj kutichiykunasnintataj maskʼarqayku: ¿Imatataj yachakunkuman karqa Ezequielpa tiemponmanta judíos? ¿Imastataj noqanchej yachakusunman? ¿Ima profeciastaj juntʼakunan  faltanraj? Chanta, ¿Ezequielpa profeciasninmanta sapa imitatachu waj imaswan kikinchana tiyan? Chay tapuykunaj kutichiykunasnenqa Ezequiel librota astawan sumajta entiendenapaj yanapawanchej. Ezequiel libroqa may sumajpuni.

Ezequiel librota leerishaspaqa cielopi kaj Jehovaj llajtanta aswan jatunpaj qhawanchej. Chantapis mayta tʼukuchiwanchej Jehová payllata yupaychaj​­kunapaj kamachiykunata churasqanta yachay, payta yupaychajkuna cielopipis chayri jallpʼapipis kachunku. Jehovallata yupaychajtinku libroqa sumajta yanapasonqa reparanaykipaj imatachus Jehová kamachisninrayku ruwasqanta, chantá tumpitamantawan imatachus paykunarayku ruwananta. Kay libropeqa iskay imasta astawan sutʼinchakun: Uj kaj, Jehová allinpaj qhawanawanchejpajqa payta rejsina tiyan, payllatataj kamachejninchejta jina qhawananchej tiyan. Iskay kaj, Jehovataqa yupaychana tiyan pay munasqanman jina, kamachiykunasninman jinataj kausakuna tiyan.

Hermanosníy, maytapuni munayku kay libro yanapasunaykichejta Jehovallata yupaychanaykichejpaj, sumaj santo sutintataj jatunchanaykichejpaj. Chantapis munayku kay libro yanapasunaykichejta suyakunallaykichejpajpuni, maypachachus naciones pichus Jehová kasqanta yachanqanku chay tiempo chayamunanta (Eze. 36:23; 38:23).

Kʼacha Tatanchej Jehová bendecichun mayta kallpachakusqaykichejta Ezequiel librota entiendenaykichejpaj.