¿Hermanoswan kusisqa kasqaykita yuyarikunkichu? Ichá yuyarikunki uj tantakuy kallpachasusqanta, uj kʼachitu jatun tantakuyta, willaypi sumajta parlarisqaykita chayri uj hermanowan sumajta parlarisqaykita. Chay imasta yuyarikusqaykeqa rikuchin Jehovamanta mana qonqakapusqaykita. Jehovapis qanmanta manallataj qonqakapunchu, munakuywantaj yuyarikun tukuy sonqo payta yupaychasqaykita. Chayrayku llajtanman kutinpunaykipaj yanapayta munasunki.

Jehová nin: “Noqa ovejasniyta maskʼamuspa cuidasaj. Imaynatachus michejqa chʼeqerasqa ovejasninta tarispa mikhuchin, ajinata ovejasniyta cuidasaj. Maykunasmanchus [...] tʼaqarasqa karqanku, chay tukuynin lugaresmanta ovejasniyta salvamusaj”, nispa (Ezequiel 34:11, 12).