Jatunmanta parlariy. Wakin imasta sutʼinchanaykipaj, uyarejkunata kallpacharinaykipaj ima, jatunmanta parlariy. Wakin runas waj runasta juchachasqanmanta Bibliapi leeshaspaqa, jatunmanta chay juchachasqankuta leey. Chantá aswan bajitollamanta parlariy uj runa mancharisqa chayri llakisqa kashasqanmanta parlarinaykipaj.

Ama cheqallanta parlaychu. Parlayniykipi atikojtenqa, allin imasmanta parlashaspa aswan kusiywan parlariy. Kikillantataj ruway imapis jatunchus, juchʼuychus, karupichus, qayllapichus kasqanmanta parlarinaykipajpis. Llakiymanta parlanayki kajtintaj, calmallawan parlariy.

Ama uj rejllata parlaychu. Kusisqa kasqaykita rikuchinaykipajqa aswan ratito parlariy. Uyarejkuna imastachus umankupi japʼinankuta munanki chay imasmantataj calmitallawan parlariy.